Author: Tech Expert

Të sigurosh klikime duke sajuar vdekjen e një personi; ky është nja nga rastet më të rënda në mediat shqiptare. Një shembull tipik është njoftimi i pavertetë i ndarjes nga jeta të personazheve publike. Në këtë rast mashtrimi sikur Enkel Demi ka ndërruar jetë. Fotoja e tij ishte e kompletuar vizualisht me elemente të standardeve të lajmeve mortore. Bien në sy shiriti i zisë, tituj emocionale, detaje që e bënin të dukej i besueshëm. E gjithë kjo nxit reagime emocionale si tronditje, frikë, empati. Titulli: “Vdes gazetari i njohur Enkel Demi” dhe mënyra si është ndërtuar, jep reagim të menjëhershëm…

Norvegjia po përgatitet të vendosë kufizime të reja për përdorimin e rrjeteve sociale nga fëmijët nën 16 vjeç.Qeveria ka njoftuar se po finalizon një projektligj që pritet t’i paraqitet Parlamentit deri në fund të vitit 2026. Ndryshe nga propozimi fillestar, kufizimet nuk do të përfshijnë vetëm platformat tradicionale të rrjeteve sociale, por potencialisht edhe lojërat online dhe aplikacionet e komunikimit. Platforma si TikTok, Snapchat dhe Roblox mund të përfshihen në ligjin e ri, në varësi të vlerësimit të rreziqeve që paraqesin për fëmijët. Roblox, për shembull, nuk është thjesht një platformë lojërash, por edhe një hapësirë ku përdoruesit krijojnë përmbajtje, komunikojnë dhe…

Samsung po regjistron rezultate pozitive në Europë me Galaxy Z Fold8 dhe Galaxy Z Fold8 Ultra. Sipas të dhënave të publikuara nga kompania, shitjet e kombinuara të dy modeleve gjatë nëntë javëve të para pas lançimit, më 7 gusht 2026, janë rritur me 45% krahasuar me Galaxy Z Fold7 në të njëjtën periudhë të vitit të kaluar. Rezultati tregon interesin në rritje për telefonat me ekran të palosshëm, një kategori që deri pak vite më parë konsiderohej produkt i një tregu të kufizuar. Sinjalet e para pozitive u shfaqën që gjatë fazës së porosive paraprake. Në gusht, Samsung raportoi një rritje prej mbi…

Blerësit e pajisjes së parë të palosshme të Apple, iPhone Duo, po raportojnë në internet një problem serioz me produktin e tyre. Të gjitha raportimet tregojnë një skenar të përbashkët: shfaqjen e një vije vertikale dhe një vije horizontale në ekranin e brendshëm, si pasojë e një keqfunksionimi të mundshëm të mekanizmit të palosjes (menteshës), shkruan gsmarena. Sipas këtyre raportimeve, në një moment pas blerjes së telefonit, mentesha është bërë jashtëzakonisht e ngurtë, duke kërkuar përpjekje shtesë për ta hapur pajisjen. Kur përdoruesi e ka hapur atë duke kapërcyer rezistencën, është dëgjuar një zhurmë kërcitëse dhe, si pasojë, në ekranin…

Miliona përdorues të bankës dixhitale Revolut u përballën me probleme serioze gjatë së martës, më 20 tetor 2026, pasi aplikacioni dhe disa prej shërbimeve bankare dolën përkohësisht jashtë funksionit. Përdorues nga vende të ndryshme raportuan pamundësi për të hyrë në llogaritë e tyre, për të kryer pagesa apo për të përdorur kartat bankare. Problemet nisën gjatë orëve të mëngjesit, kur shumë klientë raportuan se kartat e tyre refuzoheshin gjatë pagesave, ndërsa të tjerë merrnin mesazhe gabimi gjatë përpjekjeve për të hyrë në aplikacion. Ankesat erdhën nga Mbretëria e Bashkuar, Irlanda, Franca, Spanja, Japonia dhe vende të tjera, duke treguar se…

Viti 2026 po konfirmon një ndryshim të madh në industrinë e automobilave. Elektriket po bëhen më të përballueshme dhe me autonomi më të madhe, ndërsa prodhuesit nuk po heqin dorë nga hibridet dhe motorët tradicionalë. Kjo do të thotë se për blerësin zgjedhja nuk është më thjesht “benzinë apo naftë”, por elektrike, full hybrid, plug-in hybrid, mild hybrid apo motor tradicional. Në Evropë, vetëm në gusht 2026, makinat plotësisht elektrike përbënin 27.7% të regjistrimeve të reja, ndërsa plug-in hybrid 11.1%. Ndër modelet që kanë debutuar ose kanë hyrë në treg gjatë 2026-s, këto janë disa prej emrave që ia vlen të…

Në seancën plenare të së enjtes, deputetët e PS-së, miratuan ligjin për të drejtën e autorit. Përmes një postimi të ndarë në Facebook, Ministri i Kulturës Blendi Gonxhe thekson se YouTube, Facebook, TikTok dhe platformat e tjera që shpërndajnë përmbajtje të mbrojtur nga e drejta e autorit do t’u nënshtrohen rregullave më të qarta për autorizimin e përdorimit të veprave dhe trajtimin e shkeljeve. Sakaq, bëhet me dije se një tjetër ndryshim është detyrimi për platformat ndërkombëtare që operojnë në Shqipëri, por nuk kanë seli në vend, që të caktojnë një përfaqësues ligjor. Kjo do t’u japë autorëve shqiptarë një…

Qindra protestues u mblodhën të martën përpara zyrave të kompanisë Meta në São Paulo të Brazilit, për të kundërshtuar atë që e konsiderojnë ndërhyrje të gjigantit teknologjik në zgjedhjet presidenciale të vendit. Demonstruesit mbanin pankarta, maska dhe figura gjigante prej letre që portretizonin drejtorin ekzekutiv të Meta-s, Mark Zuckerberg, si djallin. Në një prej pankartave, Zuckerberg paraqitej me simbole dollari në sy dhe mbishkrimin “Bilionário safado”, që në shqip përkthehet përafërsisht “Miliarder i paskrupullt”. Protesta erdhi në një moment tensionesh të forta politike, ndërsa Brazili përgatitet për raundin vendimtar të zgjedhjeve presidenciale. Gjykata e Lartë Zgjedhore e Brazilit i ka kërkuar Meta-s të paraqesë prova se po i trajton në mënyrë të barabartë kandidatët presidencialë dhe përmbajtjet e tyre në platformat sociale. Lexo edhe: Si të mbrohemi nga censura dhe përgjimi në internet? Erion Demiri jep këshilla për përdoruesit Akuza për censurë dhe favorizim politik Metodat e moderimit të përmbajtjes nga Meta janë vënë nën vëzhgim ndërkombëtar, pasi kompania kufizoi mbi 1,000 llogari në rrjetet sociale të lidhura me presidentin Luiz Inácio Lula da Silva. Në të njëjtën kohë, aleatët e Lulës kanë akuzuar Meta-n se ka favorizuar artificialisht përmbajtjet e kandidatit të së djathtës ekstreme, Flávio Bolsonaro. Të zemëruar nga këto zhvillime, protestuesit kërkuan që kompania të qëndrojë larg procesit zgjedhor. Një prej sloganeve kryesore ishte “Não se Meta”, një lojë fjalësh në portugalisht që do të thotë “Meta, mos u përziej!”. Meta mohon akuzat Nga ana e saj, Meta ka mohuar çdo shkelje apo ndërhyrje të qëllimshme në zgjedhjet braziliane. Sipas kompanisë, pabarazitë e perceptuara në shpërndarjen dhe moderimin e përmbajtjeve politike kanë ardhur si pasojë e dy ndërprerjeve globale të shërbimeve të saj. Megjithatë, polemikat nuk kufizohen vetëm në Brazil. Sipas një raportimi të The Guardian, Meta pezulloi përkohësisht edhe disa llogari në Instagram të koalicionit amerikan “No Kings”, një lëvizje që organizon protesta dhe fushata për regjistrimin e votuesve në Shtetet e Bashkuara. Kush e kontrollon debatin politik në rrjetet sociale? Ngjarjet kanë rikthyer në qendër të debatit ndikimin që kompanitë e mëdha teknologjike mund të ushtrojnë mbi informimin publik dhe proceset demokratike. Ndërsa platformat përballen me vështirësi në kontrollin e përmbajtjeve të gjeneruara nga inteligjenca artificiale, vendimet e tyre për kufizimin ose promovimin e përmbajtjeve politike vazhdojnë të ngrenë pikëpyetje mbi transparencën dhe paanshmërinë. Tashmë mbetet të shihet nëse shpjegimet që Meta do t’i paraqesë Gjykatës së Lartë Zgjedhore të Brazilit do të jenë të mjaftueshme për të hedhur poshtë akuzat për ndërhyrje në zgjedhje. Burimi: Teksti i përshtatur nga materiali i dërguar, me referenca te TeleSur, EFE, Associated Press dhe The Guardian. Akuzat për ndërhyrje zgjedhore janë paraqitur si pretendime, jo si fakte të provuara në mënyrë përfundimtare.

Tre gjimnazistë të shkollës “Petro Nini Luarasi”, Luisa, Enio dhe Livieni, kanë krijuar një “dollap inteligjent” (Smart Locker), që u mundëson nxënësve të ruajnë celularët në mënyrë të sigurt gjatë procesit mësimor. Pajisja hapet përmes gjurmës së gishtit, ka kapacitet për tre telefona dhe një ekran që tregon identitetin e përdoruesit dhe të drejtat e aksesit. Sistemi mund të përdoret edhe nga mësuesit. Në podkastin e Gogo.al, të rinjtë treguan se si e realizuan projektin duke ndarë detyrat mes programimit dhe ndërtimit fizik të pajisjes. Për funksionimin e saj përdorën platformën Arduino Mega, duke kombinuar njohuritë në elektronikë dhe kodim. Shpikja, e cila është…

Zgjedhja e një switch-i të përshtatshëm është një nga hapat kryesorë për ndërtimin e një rrjeti të qëndrueshëm dhe efikas. Numri i portave, shpejtësia e transmetimit dhe mbështetja për teknologjinë PoE janë disa nga karakteristikat që duhen marrë parasysh. Në këtë review krahasojmë tre modele nga CUDY: GS105P, HS105 dhe GS1016EPS2, të projektuara për përdorime të ndryshme, nga shtëpitë dhe zyrat e vogla deri te instalimet profesionale. CUDY GS105P – Switch Gigabit me 5 porta dhe PoE+ CUDY GS105P është një zgjidhje kompakte për përdoruesit që duan të lidhin disa pajisje në rrjet, duke përfituar njëkohësisht nga teknologjia Power over Ethernet (PoE+).…