Zgjedhja e një telefoni të palosshëm nuk është gjithmonë e thjeshtë, veçanërisht kur në të njëjtën familje gjenden tre alternativa. Për këtë arsye, Samsung ka prezantuar një udhëzues për të ndihmuar përdoruesit të kuptojnë dallimet mes Galaxy Z Fold8 Ultra, Galaxy Z Fold8 dhe Galaxy Z Flip8.
Të tre modelet ndajnë filozofinë e serisë Galaxy Z, standardet e rezistencës dhe funksionet e Galaxy AI, por secili synon një profil të ndryshëm përdoruesi. Fold8 Ultra fokusohet te produktiviteti, Fold8 te ekrani i madh dhe argëtimi, ndërsa Flip8 te portabiliteti dhe krijimi i përmbajtjeve.
Galaxy Z Fold8 Ultra, për ata që kërkojnë maksimumin
Në krye të familjes qëndron Galaxy Z Fold8 Ultra, i menduar veçanërisht për përdoruesit që punojnë shumë nga telefoni. Ekrani i palosshëm 8 inç mundëson përdorimin e deri në tre aplikacioneve njëkohësisht, duke e kthyer pajisjen në një lloj mini-tableti për multitasking.
Brenda tij gjendet procesori Qualcomm Snapdragon 8 Elite Gen 5 for Galaxy, i shoqëruar nga një bateri 5,000 mAhdhe një sistem i avancuar kamerash. Kombinimi e pozicionon Ultra-n si alternativën më të fuqishme të familjes për ata që kërkojnë produktivitet dhe performancë të lartë.
Galaxy Z Fold8, për filma, lojëra dhe lexim
Galaxy Z Fold8 synon përdoruesit që duan një ekran të madh kryesisht për argëtim. Formati i ri me raport 4:3 krijon më shumë hapësirë për video, lojëra, lexim dhe përmbajtje të tjera multimediale.
Bateria prej 4,800 mAh, sipas Samsung, mundëson mbi 26 orë riprodhim video. Pavarësisht ekranit të madh, telefoni peshon vetëm 201 gramë, duke e bërë sipas kompanisë modelin Fold më të lehtë që Samsung ka prodhuar deri tani.
Lexo edhe: Google Pixel 11 Pro mbërrin në Amazon, ja sa kushton
Galaxy Z Flip8, për ata që duan një telefon kompakt
Ndryshe nga dy modelet Fold, Galaxy Z Flip8 ndjek filozofinë e një smartphone-i tradicional që paloset për t’u bërë shumë më i vogël. Kjo e bën më praktik për t’u mbajtur në xhep ose çantë dhe veçanërisht interesant për përdoruesit që krijojnë shpesh foto dhe video për rrjetet sociale.
Formati Flip mund të përdoret gjithashtu për të realizuar foto dhe video nga kënde të ndryshme pa pasur gjithmonë nevojë për tripod, duke e bërë modelin më të orientuar drejt portabilitetit dhe krijimit të përmbajtjeve.
Në fund, zgjedhja varet nga mënyra se si përdoret telefoni: Fold8 Ultra fokusohet te puna dhe multitasking-u, Fold8 te ekrani i madh dhe argëtimi, ndërsa Flip8 te kompaktësia dhe krijimi i përmbajtjeve.
