“Shfletimi me Bing” i ChatGPT në pauzë: Defektet e papritura çojnë në pezullim të përkohshëm

Javën e kaluar, OpenAI prezantoi një përmirësim të rëndësishëm në chatbot-in e tij, ChatGPT, duke publikuar veçorinë e quajtur “Shfleto me Bing”. Fillimisht, kjo veçori u vu në dispozicion ekskluzivisht për abonentët e ChatGPT Plus.

Gjatë konferencës së zhvilluesve Build 2023, Microsoft ishte zotuar të inkorporonte Bing në platformën e ChatGPT për të rritur aftësitë e tij të kërkimit. Përpara këtij zhvillimi, ChatGPT ishte mbështetur vetëm në modelin GPT-4 të OpenAI, duke kufizuar njohuritë e tij në informacionin e disponueshëm deri në shtator 2021.

Sidoqoftë, pas zbatimit, OpenAI identifikoi shpejt se veçoria e re kishte defekte të herëpashershme. Sipas OpenAI, “Për shembull, nëse një përdorues kërkon në mënyrë specifike tekstin e plotë të një URL-je, chatbot-i mund ta përmbushë pa dashje këtë kërkesë”. Kjo dëmtonte në mënyrë të dukshme pronarët e përmbajtjes në faqe të ndryshme, pasi përdoruesit mund të kërkonin informacione të cilat nuk duhet të ishin të disponueshme pa pasur një abonim në një faqe.

Në përgjigje të kësaj çështjeje, OpenAI vendosi të pezullojë funksionin beta të “Shfleto me Bing” më 3 korrik 2023. Kompania deklaroi se, “Që nga 3 korriku 2023, ne e kemi çaktivizuar funksionin “Shfleto me Bing” për shkak të raportimeve për problematika. Ndërkohë, po përpiqemi ta rregullojmë këtë problematikë, në mënyrë që platforma të jetë e drejtë edhe për pronarët e përmbajtjes. Po punojmë për ta rikthyer beta-n sa më shpejt të jetë e mundur, dhe vlerësojmë mirëkuptimin tuaj!”

Artikull i ngjashëm:
Mercedes-Benz dhe ChatGPT: Një bashkëpunim perfekt për shoferët

Zakonisht, “muret e pagesës” zbatohen për të inkurajuar abonimet në faqe të ndryshme, duke kufizuar aksesin në përmbajtje për jo-abonentët. Sidoqoftë, anëtarët e komunitetit r/ChatGPT në Reddit zbuluan një zgjidhje për këto “mure pagese” duke përdorur mjetin ChatGPT. Përdoruesit kanë ndarë këshilla dhe teknika të ndryshme për të anashkaluar muret e pagesave dhe për të hyrë në përmbajtje pa një abonim.

Zgjidhja përfshin nxitjen e ChatGPT për të shfaqur tekstin e një artikulli pas një “muri pagesash”, siç ilustrohet në disa raste në Reddit.

Artikull i ngjashëm:
ChatGPT Plus bën një hap drejt ‘Bing’: Publikohet funksioni i ri i shfletimit në web

Në këtë pikë, mbetet e paqartë se kur OpenAI planifikon të rivendosë funksionin, dhe çfarë rregullimesh do të bëjë për të parandaluar rishfaqjen e çështjeve të ngjashme në të ardhmen.