Bordi i Vlerësimit të Software të Argëtimit (ESRB) i ka paraqitur një propozim Komisionit Federal të Tregtisë (FTC), duke sugjeruar teknologjinë e vlerësimit të moshës së fytyrës si një metodë të zbatueshme për verifikimin moshës së përdoruesëve.
Propozimi, i krijuar në bashkëpunim me kompaninë e identitetit digjital, Yoti, dhe filialin e Epic Games, SuperAwesome, sugjeron një metodë të vlerësimit të moshës, duke u bazuar në fytyrën e përdoruesëve. Ky propozim synon mbrojtjen e privatësisë dhe mund të përcaktojë me saktësi moshën e një personi.
Procesi i verifikimit, siç përshkruhet në propozim, fillon me marrjen e një selfie nga përdoruesi. Më pas, sistemi verifikon praninë e një fytyre njerëzore në kornizë përpara se imazhi të ngarkohet në serverin mbështetës të Yoti për vlerësimin e moshës.
Artikull i ngjashëm:
Nuk ka siguri: Sulmi ‘BrutePrint’ anashkalon sigurinë e gjurmëve të gishtave në smartphone
Duke adresuar shqetësimet e mundshme të sigurisë në lidhje me përdorimin e kësaj teknologjie, veçanërisht nga të miturit, propozimi siguron që imazhet të fshihen menjëherë nga serverat, dhe të mos përdoren nga Yoti për qëllime trajnimi.
Propozimi gjithashtu deklaron se metoda e vlerësimit të moshës së fytyrës nuk përbën një kërcënim të rëndësishëm për privatësinë e prindërve, dhe nuk promovon ndonjë paragjykim të mundshëm.
Artikull i ngjashëm:
Shkencëtarët e Universitetit të Waterloo-s thyejnë mbrojtjen e vërtetimit të zërit me një shkallë suksesi 99%
Dokumenti sugjeron se çdo rrezik që mund të ekzistojë tejkalohet nga avantazhet që kjo metodë mund t’u ofrojë si konsumatorëve, ashtu edhe bizneseve. Metoda e propozuar e vlerësimit të moshës së fytyrës konsiderohet si një zgjidhje e besueshme dhe efikase për verifikimin e përdoruesit, duke forcuar më tej masat e sigurisë dhe privatësisë në internet.
