Robotët e automatizuar tani po i kalojnë njerëzit në zgjidhjen e testeve Captcha, që dikur konsiderohej një metodë e besueshme për të dalluar përdoruesit njerëzorë nga software-t potencialisht të dëmshëm. Ky zbulim doli në pah nga një studim i gjerë që analizonte sistemin Captcha në mbi 100 faqe interneti.
Bot-et, kur lihen të pakontrolluar, paraqesin një rrezik të konsiderueshëm për ekosistemin online. Aftësia e tyre për t’u maskuar si përdorues të vërtetë njerëzor i lejon ata të kryejnë një sërë veprimesh të dëmshme, duke përfshirë kopjimin e përmbajtjes, krijimin e llogarive të rreme, postimin e komenteve ose rishikimeve të rreme, dhe konsumimin e panevojshëm të burimeve në internet.
Studiuesit, duke përfshirë ekspertë nga Universiteti i California-s, theksojnë problematikat e lejimit të funksionimit të pakontrolluar të robotëve, duke vënë në dukje aftësinë e tyre për të kryer veprime të dëmshme në shkallë masive.
Sistemet Captcha kanë qenë një linjë thelbësore e mbrojtjes digjitale të sigurisë për më shumë se dy dekada. Të krijuara për të penguar përpjekjet e robotëve keqdashës, këto mjete paraqesin enigma të supozuara të lehta për njerëzit, por sfiduese për kompjuterët.
Artikull i ngjashëm:
Faqet web të krijuara nga AI mashtrojnë kompanitë reklamuese
Versionet e mëparshme të Captcha-ve i detyronin përdoruesit të transkriptonin imazhe teksti të shtrembëruara, por përparimet në vizionin kompjuterik dhe machine learning bënë që robotët të zhvilloheshin me shpejtësi për t’i zbuluar këto tekste me saktësi mahnitëse.
Si rezultat, Captcha-t e kanë gjetur veten duke u mbrojtur nga këto përditësime të bot-eve, duke u zhvilluar në forma gjithnjë komplekse për të sfiduar robotët e avancuar, shpesh duke krijuar problematika edhe për përdoruesit njerëzorë.
Artikull i ngjashëm:
Meta detyrohet të pranojë rregulloret e BE-së për reklamat
Megjithatë, studimi i fundit, aktualisht i disponueshëm në arXiv, tregon se përpjekjet e vazhdueshme të përdoruesve në mbarë botën për të zgjidhur këto enigma të ndërlikuara mund të jenë të kota. Nga 200 faqet e internetit të analizuara, 120 ende përdorin Captcha. Kërkimi kërkoi ndihmën e 1000 pjesëmarrësve të ndryshëm në internet për të vlerësuar vështirësinë e 10 testeve Captcha në këto faqe.
Çuditërisht, gjetjet zbuluan se shumë robotë, të dokumentuar më parë në revista shkencore, ia kalonin njerëzve, si në shpejtësi ashtu edhe në saktësi. Ndërsa pjesëmarrësve njerëzorë iu deshën nga nëntë deri në 15 sekonda për të deshifruar Captcha-t, me një gamë saktësie prej 50-84%, robotët i thyen ato në më pak se një sekondë, me saktësi që shkonte midis 85-100%. Shumica e robotëve madje shfaqën nivele saktësie që kalonin 96%.
Artikull i ngjashëm:
Web-i nën rrethim: Bot-et tani dominojnë gati gjysmën e trafikut të internetit!
Duke pasur parasysh këto rezultate, studiuesit vunë në dukje se, “Kjo në mënyrë thelbësore tejkalon gamën e saktësisë njerëzore që vëzhguam (50-85 përqind). Kjo sugjeron që sistemet aktuale Captcha mund të mos jenë më një metodë efikase për të dalluar njerëzit nga robotët në faqet web.”
