Meta Platforms, e njohur më parë si Facebook, ka vendosur të zhvillojë një model të ri të inteligjencës artificiale (AI) që synon të rivalizojë ChatGPT, sipas informacionit të brendshëm të ndarë nga Wall Street Journal.
I planifikuar për publikim vitin e ardhshëm, sistemi i AI i Meta-s supozohet se do të tejkalojë modelin e tij aktual të disponueshëm, Llama 2. I publikuar në korrik dhe i disponueshëm përmes shërbimeve cloud të Microsoft Azure, Llama 2 u prezantua për të konkurruar drejtpërdrejt me modelet ekzistuese AI, si ChatGPT i OpenAI dhe Bard i Google.
Sistemi AI i Meta është krijuar për të fuqizuar bizneset për të krijuar përmbajtje tekstuale të avancuara, për të kryer analiza të ndërlikuara dhe për të gjeneruar rezultate të ndryshme. Pavarësisht se specifikat janë akoma të pa zyrtarizuara, gjigandi i teknologjisë raportohet të fillojë trajnimin e këtij projekti ambicioz të AI në fillim të vitit 2024.
Që kur OpenAI publikoi ChatGPT vitin e kaluar, sektori i AI ka dëshmuar një rritje të interesit nga kompanitë që synojnë të shfrytëzojnë kapacitetet e avancuara të AI, dhe të rregullojnë rrjedhat e tyre operative.
Apple raportohet gjithashtu se po investon në fushën e AI. Bloomberg News zbuloi në korrik se Apple po zhvillon teknologji të AI që i bëjnë jehonë aftësive të ChatGPT të OpenAI dhe Bard të Google. Si pjesë e kësaj sipërmarrjeje, Apple ka krijuar kornizën e saj themelore të quajtur ‘Ajax’. Për më tepër, ata raportohet se po eksperimentojnë me një chatbot që burimet e brendshme e kanë quajtur ‘Apple GPT’.
