Ndërsa Ferrari SP-8 mund të jetë i njëjtë me F8 nën lëkurë, ai ka një dizajn krejtësisht unik. Kjo është ajo për të cilën ky klient ka paguar para të mëdha në fund të fundit.
Përdorimi i fibrës së karbonit të palyer luan një rol të madh në estetikën e kësaj makine. E gjithë pjesa e përparme është e përfunduar me karbon të zhveshur si dhe gjysmën e poshtme me bojë argjendi ndryshe nga pjesa e pasme e makinës.
SP-8 ka gjithashtu një dizajn të ndryshëm të pjesës së përparme, me një parakolp tërësisht të ri dhe fenerë të hijshëm. Ato duken paksa si dritat që do të gjeni në Ferrari 360 nga fillimi i viteve 2000, megjithëse në një formë më moderne.
Një veçori tjetër që është unike për këtë makinë është mungesa e një “çatie”. Me siguri ky fakt nuk do i gëzojë shumë britanikët që përballen shpesh me shiun, megjithatë SP-8 nuk ka gjasa të përdoret gjithsesi në kushte të pafavorshme moti.
A mund ta blini një Ferrari SP-8?
Me pak fjalë: Jo. SP-8 u krijua nga programi i Projekteve Speciale të Ferrarit, një departament që bën prodhime unike vetëm një herë për klientët më të pasur të markës.
Nëse dëshironi që Ferrari t’ju dedikojë një supermakinë, do t’ju duhet të keni xhepa pafundësisht të thellë, si dhe të fusni dikë mik tek Maranello.
