Mesa duket edhe Google ka nevojë të pastrojë dollapët e vjetër në fundvit. Jo nga rrobat e vjetra, por nga fotot dhe të dhënat që i përkasin llogarive joaktive. Ky spastrim do të fillojë më 1 dhjetor.
“Duke filluar nga fundi i këtij viti, nëse një llogari Google nuk është përdorur ose nuk është identifikuar për të paktën 2 vjet, ne mund ta fshijmë llogarinë dhe përmbajtjen e saj – duke përfshirë përmbajtjen brenda Google Workspace (Gmail, Docs, Drive, Meet, Calendar) dhe Google Fotot”, njoftoi në Ruth Kricheli, nënkryetare e menaxhimit të produkteve të Google.
Si mund t’a mbani llogarinë tuaj Gmail active?
Për fat të mirë, nuk duhet shumë për ta mbajtur llogarinë tuaj aktive – thjesht hyni në të të paktën një herë në dy vjet. Përndryshe, ju mund të lexoni një email, të shikoni një video në YouTube ose të përdorni kërkimin në Google ndërsa jeni të kyçur në llogarinë tuaj, tha Kricheli.
Kompania u dërgoi një email të gjithë përdoruesve të Gmail në gusht duke u kujtuar atyre ndryshimin dhe tha se do të kishte disa rikujtues përpara se ndryshimi të hynte në fuqi.
Kricheli përmendi shqetësimet e sigurisë si arsyen e spastrimit. Llogaritë e braktisura kanë dhjetë herë më shumë gjasa se llogaritë aktive të kenë mungesë verifikimi me 2 hapa, gjë që i bën ato të prirura për t’u komprometuar, shkroi ajo.
Njoftimi fillestar i Krichelit që atëherë është përditësuar për të sqaruar se Google nuk planifikon të fshijë asnjë video në YouTube.
