Të hënën, gjigandi i teknologjisë me bazë në Kaliforni, Google, publikoi “Viti në kërkim”, një përmbledhje e trendeve kryesore globale të vitit 2023, duke filluar nga momentet e paharrueshme të kulturës pop, deri te humbja e figurave të dashura dhe lajmet tragjike që sjellin pasoja në mbarë botën.
Lufta e vazhdueshme Izrael-Hamas kryesoi tendencat e lajmeve në vitin 2023, sipas të dhënave globale të Google, e ndjekur nga pyetjet në lidhje me nëndetësen e lidhur me Titanikun që u shpërtheu në qershor, si dhe tërmetet shkatërruese të shkurtit në Turqi dhe Siri.
Damar Hamlin ishte personi më i kërkuar në Google këtë vit. Mbrojtësi i Buffalo Bills së NFL, Hamlin përjetoi një arrest kardiak me pasojë vdekjen, gjatë një ndeshjeje në janar. Aktori Jeremy Renner, i cili i mbijetoi një aksidenti të rëndë me borëpastruese në fillim të vitit 2023, pasoi. Ndërkohë, të ndjerët Matthew Perry dhe Tina Turner udhëhoqën tendencat e kërkimit midis individëve të famshëm që ndërruan jetë.
Në botën e argëtimit, “Barbie” dominoi tendencat e filmave më të kërkuar në Google këtë vit – e ndjekur nga “Oppenheimer” dhe thrilleri indian “Jawan”. Nga serialet televizive, “The Last of Us”, “Wednesday” dhe “Ginny and Georgia” ishin tre shfaqjet kryesore në trend në 2023.
“アイドル (Idol)” e Yoasobi ishte kënga më e kërkuar në Google. “Try That In A Small Town” i Jason Aldean – i cili u ngjit në top lista pas polemikave këtë verë – dhe “Bzrp Music Sessions, Vol. 53” pasoi.
Google nuk është i vetmi që publikon të dhëna vjetore ndërsa viti 2023 po i afrohet fundit — dhe nga kërkimet në fjalor e deri te transmetimet muzikore, me siguri keni parë lista të tjera që përmbledhin aktivitetin në internet këtë vit. Javën e kaluar, për shembull, Wikipedia publikoi listën e saj të fundvitit të faqeve më të shikuara – me artikullin e saj rreth ChatGPT që kryeson listën.
