Artisti amerikan Kanye West njihet për çmendurinë e tij në fushën e modës. Ish-bashkëshorti i Kim Kardashian, shpesh herë stilisti i saj i veshjeve, këtë herë ka nxjerrë në treg të ashtuquajturat ‘Yeezy Pods’, për të cilat fansat janë pak konfuzë nëse janë çorape apo këpucë. Ky produkt po shitet nën markën Vultures, të cilën West e ka prezantuar më herët.
Ajo që ka habitur më shumë fansat, përveç dukjes së tyre, është edhe çmimi prej 200 dollarësh. Megjithatë, vetëm disa orë më parë, West shpalli në rrjetet sociale një ulje drastike të çmimit dhe ky produkt mund të blihet tani me vetëm 20 dollarë. Madje blerësit e parë do të rimbursohen me 180 dollarë. A është kjo një taktikë shitjeje apo çmenduria e rradhës e West?
