Nganjëherë ajo pasohet nga disa teste të tjera imazhesh ku kerkohet të identifikoni objekte të caktuara, ose të riprodhoni numra ose shkronja.
Por më shpesh ju duhet ë klikoni në kutinë ‘I’m not a robot’ për të vazhduar me lundrimin tuaj në internet.
Por si e kupton rrjeti që nuk jeni një robot nga një klikim i vetëm?
Metoda e njohur tashmë si CAPTCHA, bëhet për të dalluar përdoruesit kompjuter nga ata njerëzorë, ose ndryshe “për të kapur robotët”.
Disa supozojnë se klikimi në ‘I’m not a robot’ dallon inteligjencën artificiale nga përdoruesit e tjerë, por funksioni i vërtetë është krejt tjetër, madje edhe paksa i frikshëm.
Në një program të mëhershëm të BBC është treguar se ky opsion i jep lejen rrjetit të kontrollojë historinë tënde në internet dhe të përcaktojë nëse je një person.
“Nuk është puna te klikimi por te analiza e veprimeve të tua para klikimit, sado të vogla mund të duken ato”, tha analistja britanike Sandi Toksvig në një panel.
Ajo shtonte: “Nuk mund t’ju them të gjitha detajet pasi ata i mbajnë sekret, sepse nuk duan që njerëzit të bëjnë me hile në test, por në përgjithësi klikimi kutisë nxit kërkuesin e internetit që jeni duke përdorur, të kërkojë historinë e vizitave të tua në rrjet”.
Toksvig shpjegonte më tej: “Klikimi i kutisë nis dhe analizimin e mënyrës sesi lëvizni kursorin në ekran, që është përsëri e frikshme, më duket mua”, shton prezantuesja.
“Kështu që kur klikon kutinë e sigurisë ‘I am not a robot’ ti po udhëzon faqen e internetit të kontrollojë të dhënat e tua dhe të vendosë vetë. Nëse makineria nuk është e sigurte, ajo nuk të jep aksesin por të drejton te fotografitë për të zgjedhur, derisa të sigurohet”.
Video është rishfaqur kohët e fundit në rrjetin Tik Tok dhe ka marrë miliona klikime.
Shumë nga komentuesit ishin të shokuar. “Me të vërtetë?” pyeste një përdorues.
Ndërsa një tjetër kërkonte të dinte: “Kush ia jep atyre të dhënat private? A është e ligjshme kjo?”
