Veçori e re në WhatsApp: Dërgoni mesazhe edhe te ata që nuk e kanë aplikacionin 

WhatsApp po zhvillon një veçori të re të quajtur Guest Chats, e cila do t’u lejojë përdoruesve të kësaj platforme të korrespondojnë me një person tjetër që nuk e përdor aplikacionin, duke i dërguar atij një lidhje ftese.

Marrësi nuk do të ketë nevojë të shkarkojë aplikacionin ose të krijojë një llogari fare. Çështja është se WhatsApp po planifikon të bëjë të disponueshme mesazhet në fusha të shumta.

Kompania po zhvillon një veçori krejtësisht të re dhe të veçantë që do t’u lejojë përdoruesve të dërgojnë mesazhe njerëzve që nuk e kanë të instaluar aplikacionin WhatsApp në pajisjet e tyre ose as nuk kanë një llogari.

WaBetaInfo deklaron se veçoria e re po testohet në versionin beta 2.25.22.13 për Android dhe së shpejti do të jetë në dispozicion për përdoruesit beta.

Veçoria e re quhet Gues Chats dhe funksionon duke bërë që një përdorues i WhatsApp të dërgojë një lidhje ftese te një person tjetër, i cili merr ftesën dhe mund të përdorë një ndërfaqe të sigurt si WhatsApp Web thjesht duke klikuar në lidhje.

Lexo edhe: Më shumë se një startup, historia që fshihet pas perandorisë Canva

Gjithashtu, bisedat do të mbrohen, në mënyrë që vetëm njerëzit që shkëmbejnë mesazhe të jenë në gjendje të shohin përmbajtjen e bisedës. Përvoja menaxhohet nga sistemi i vetë WhatsApp, duke e bërë këtë veçori të besueshme dhe të shpejtë. Megjithatë, veçoria ka disa kufizime.

Përdoruesit nuk do të jenë në gjendje të ndajnë foto, klipe dhe GIF, si dhe të shkëmbejnë mesazhe zanore dhe video. Gjithashtu, nuk do të ketë mundësi për të bërë një telefonatë. Pra, funksioni lejon vetëm dërgimin e mesazheve me tekst midis dy personave, që do të thotë se as biseda në grup nuk do të jetë e mundur. Me këtë funksion, WhatsApp mund të përpiqet të tërheqë më shumë njerëz në platformën e tij, të cilët ende nuk e kanë shkarkuar aplikacionin.