Në garën në zhvillim të laptop-ëve të palosshëm, HP ka prezantuar Spectre Fold. Duke pasur një ekran OLED 17 inç, laptopi mund të paloset në gjysmë, duke e pozicionuar veten si më i holli dhe më i vogli i llojit të tij në botë. Me një peshë nën tre kilogramë, ky laptop është çuditërisht i lehtë për një pajisje 17 inç.
Megjithatë, blerësit e mundshëm mund të tremben nga çmimi fillestar: 4,999,99 dollarë, duke e bërë atë një nga laptop-ët më të shtrenjtë të publikuar ndonjëherë. Për krahasim, ThinkPad X1 Fold i Lenovo shitet për 2,499 dollarë, dhe Zenbook Fold i Asus ka një çmim prej 3,499 dollarë.
Përsa i përket dizajnit, Spectre Fold transformohet nga një tablet në një laptop kur qendron në mbështetësen e tij. Paloseni atë 90 gradë dhe bashkëngjitni një tastierë magnetike Bluetooth, dhe laptopi shndërrohet në një pajisje prej 12,3 inç. Ideja? Për të kombinuar përfitimet e ekraneve të mëdhenj me transportueshmërinë.
Duke u dalluar nga konkurrentët, Spectre Fold prezanton veçoritë e integruara të AI. HP pretendon se Spectre Fold është kompjuteri i parë i palosshëm që ofron siguri, komoditet dhe gjeste të drejtuara nga AI, duke synuar të ofrojë një përvojë të personalizuar kompjuterike.
Veçoritë e dukshme përfshijnë kontrollin e përmbajtjes pa prekje, përkujtuesit e kohës para ekranit dhe zbulimin e pranisë që bllokon laptop-in kur largoheni, dhe e zhbllokon pas kthimit tuaj.
Spectre Fold mundësohet nga Intel Core i7-1250U, i shoqëruar nga 16 GB RAM dhe 1 TB memorie. Ai ka një panel OLED 3:4 me një rezolucion 1920 x 2560. I njohur për ekranet superiore, ky version i ri i Spectre nuk zhgënjen. Për video thirrjet, në këtë laptop është përfshirë GlamCam i HP-së.
Ndërsa pajisjet e palosshme si ThinkPad X1 dhe Zenbook Fold u promovuan me shumë bujë, ata u përballën me sfida. ThinkPad X1 luftoi me jetëgjatësinë e baterisë dhe një tastierë të vogël, dhe megjithëse Zenbook i Asus kishte një ekran prej 17 inç, gjatë testeve u shfaqën defekte në software.
HP premton deri në 12 orë jetëgjatësi të baterisë dhe një tastierë të rehatshme për Spectre Fold. Megjithatë, me çmimin e tij të lartë, mbetet për t’u parë nëse karakteristikat e tij justifikojnë koston.
