Papa Françesku ka bërë thirrje për një traktat ndërkombëtar për të rregulluar përdorimin e Inteligjencës Artificiale, duke paralajmëruar se teknologjia e re rrezikon të shkaktojë një “diktaturë teknologjike” që do të kërcënonte paqen dhe demokracinë.Papa 86-vjeçar thotë se ai dëshiron që liderët botërorë të bien dakord për një “traktat ndërkombëtar të detyrueshëm” mbi AI, të zhvilluar brenda një kuadri etik. Françesku e bëri thirrjen në mesazhin e tij vjetor për Ditën Botërore të Paqes që shënohet nga Kisha Katolike çdo 1 janar.
“Kapaciteti unik njerëzor për gjykim moral dhe vendimmarrje etike është më shumë se një koleksion kompleks algoritmesh dhe kjo kapacitet nuk mund të reduktohet në programimin e një makinerie, e cila sado ‘inteligjente’ që të jetë, mbetet një makineri,” shkroi Françesku. .
“Duhen gjetur në menyrë urgjente përgjigjen e disa pyetjeve të rëndësishme. Cilat do të jenë pasojat, në afatmesëm dhe afatgjatë, të këtyre teknologjive të reja digjitale? Dhe çfarë ndikimi do të kenë ato në jetën individuale dhe në shoqëri, në stabilitetin dhe paqen ndërkombëtare?” Papa lëshoi një paralajmërim të fortë kundër sistemeve të armëve të kontrolluara nga AI, të cilat ai i quajti një “shkak për shqetësim të madh etik”, ndërsa ngriti gjithashtu alarmin për keqpërdorimin e teknologjisë duke përfshirë “ndërhyrjen në zgjedhje, ngritjen e një shoqërie mbikëqyrëse” dhe pabarazitë në rritje. “Të gjithë këta faktorë rrezikojnë të nxisin konflikte dhe të pengojnë paqen”, tha Papa.
Pavarësisht mesazhit të tij të kujdesshëm, Papa vërtet lavdëroi “arritjet mbresëlënëse të shkencës dhe teknologjisë”, duke këmbëngulur që AI ofron gjithashtu “mundësi emocionuese”.
Në një konferencë shtypi të mbajtur të enjten në Vatikan për të lëshuar mesazhin e tij, kardinali Michael Czerny, një nga bashkëpunëtorët e Papës, këmbënguli se AI është një nga pikëpyetjet më të larta mbi të ardhmen e njerëzimit. Thirrja e Papës për rregullimin e AI vjen disa ditë pasi zyrtarët e EU-së arritën një marrëveshje të përkohshme mbi një ligj të ri të AI, ndërsa një grup ligjvënësish dypartiakë në Shtetet e Bashkuara po vlerësojnë një kornizë rregullimi mbi teknologjinë.
Papa ka qenë vetë viktimë e imazheve të rreme të AI: në fillim të këtij viti, një imazh i AI i papës i veshur me një xhaketë të bardhë të bardhë u bë virale.
