Çfarë është telefoni Trump dhe pse e ka hequr mesazhin ‘prodhuar në Amerikë’?

Sipas raportimeve, telefoni i ri inteligjent prej ari i Presidentit të SHBA-së Donald Trump ka hequr mesazhin se është prodhuar në Amerikë.

Ja gjithçka që dimë për telefonin Trump.
Më herët këtë muaj, Presidenti lançoi Trump Mobile, një operator celular dhe T1 Phone 8002, të cilin Organizata Trump e reklamoi fillimisht si “prodhuar në SHBA”.
Faqja e internetit tani thotë se telefoni inteligjent prej 499 dollarësh (426 €) ka një “dizajn krenar për amerikanët” me “duar amerikane pas çdo pajisjeje”.
Çfarë dimë për telefonin?

The Verge raportoi gjithashtu se specifikimet e telefonit kanë ndryshuar, nga një ekran AMOLED prej 6.78 inç në një më të vogël prej 6.25 inç. Telefoni tani duhet të ketë 256 gigabajt hapësirë ​​ruajtjeje, ndërsa reklama e vjetër e paraqiste atë me 12 gigabajt RAM.

Telefoni do të ketë gjithashtu një sensor gjurmësh gishtash në ekran dhe zhbllokim me inteligjencë artificiale në fytyrë, tre kamera të pasme deri në 50 megapikselë dhe një kamerë të përparme.
Telefoni është i disponueshëm për porosi paraprake me një depozitë prej 100 dollarësh (85.37 €) dhe do të jetë i lidhur me rrjetin Trump Mobile. Uebsajti tha se telefoni duhej të ishte i disponueshëm deri në shtator, por faqja tani thotë se do të jetë gati “më vonë këtë vit”.

Djemtë e Trump, Eric dhe Don Jr., njoftuan më parë këtë muaj se do të ofronin plane telefonie celularë për 47.45 dollarë (40.51 €) në muaj në rrjetin celular, një referencë për statusin e babait të tyre si presidenti i 45-të dhe i 47-të. Qendra e thirrjeve, thanë ata, do të jetë gjithashtu në SHBA.

Lexo edhe: Ja sa do t’i kushtojnë tarifat e Trump kompanisë Apple, sipas CEO-s Tim Cook

Një zëdhënës i Trump i tha CNBC se telefonat do të vazhdojnë të prodhohen në SHBA dhe se çdo spekulim tjetër është i pasaktë.
Euronews Next gjithashtu kontaktoi ekipin e Trump, por nuk mori një përgjigje të menjëhershme.
Megjithatë, disa ekspertë kanë vënë në pikëpyetje nëse telefoni është shumë i mirë për të qenë i vërtetë, pasi telefoni prej 499 dollarësh (426 euro) është shumë i lirë për specifikimet që ofron dhe disa pjesë të telefonit nuk janë prodhuar në SHBA.

Telefonti inteligjent është produkt i rrjetit të telefonisë celulare të themeluar së fundmi Trump Mobile, i cili operohet nga Organizata Trump.
Familja Trump e ka valëvitur flamurin amerikan më parë me produkte të markës Trump me origjinë të dyshimtë, duke përfshirë Biblat e saj “Zoti e bekoftë SHBA-në”, të cilat një hetim i Associated Press vitin e kaluar tregoi se ishin shtypur në Kinë.