Telefonat e palosshëm po rikthehen, dhe jo vetëm tek Gjenerata Z. Të rinjtë po udhëheqin tendencën e heqjes dorë nga smartphone-t, për telefonat e dytë me kosto të ulët, dhe që i lejojnë ata të shkëputen nga njoftimet e vazhdueshme në internet. Nokia, prodhuesi finlandez i telefonave, ka raportuar se shet dhjetëra mijëra telefona të palosshëm çdo muaj, dhe shitjet po rriten në të gjithë demografinë.
Rilindja e telefonave të palosshëm filloi kur Sammy Palazzolo, një studente 18-vjeçare në Universitetin e Illinois Urbana-Champaign, dhe disa nga shokët e saj në konvikt po diskutonin për varësitë e tyre nga smartphone-t. Ata patën idenë e blerjes së telefonave të palosshëm për t’u shkëputur nga njoftimet e vazhdueshme, të cilat janë prezente në çdo kohë. Palazzolo përfundoi duke blerë një telefon të palosshëm prej 40 dollarësh, dhe që atëherë është bërë një promovuese e telefonave të palosshëm në TikTok.
Telefonat e palosshëm modern vijnë me veçori si Bluetooth, 4G dhe kamera bashkëkohore, madje disa kanë një browser interneti. Megjithatë, ata përdorin një sistem operativ që nuk mund të instalojë aplikacione si Instagram apo TikTok. Këto pajisje janë perfekte për ata që duan të jenë të arritshëm nëpërmjet telefonatave, pa shpërqendrimin e vazhdueshëm të mediave sociale dhe njoftimeve me email.
Telefonat e palosshëm janë gjithashtu një alternativë e përballueshme për smartphone-t. Ju mund të blini një telefon të palosshëm për çmime shumë të ulta, në krahasim me smartphone-t.
Telefonat e palosshëm nuk janë vetëm një trend, por një zgjedhje stili jetese për ata që duan të qëndrojnë të lidhur, pa u shpërqendruar. Ata mund të mos kenë të gjitha tiparet dhe aftësitë e një smartphone, por ofrojnë thjeshtësi, përballueshmëri dhe liri nga njoftimet e vazhdueshme dhe mediat sociale.
