YouTube shton reklamat: Nuk do të mundeni më të hiqni reklamat 30-sekondëshe të Youtube

YouTube, platforma e famshme e transmetimit të videove, ka vendosur të shtojë mënyrat e saj të reklamimit, duke e bërë potencialisht përvojën e shikuesve më të komplikuar, nëse ata nuk zgjedhin një abonim pa reklama. E publikuar në Brandcast-in e YouTube, YouTube planifikon të prezantojë reklama të detyrueshme prej 30 sekondash në përmbajtjet që mund të gjenden në faqen e saj.

Në vend të dy reklamave të njëpasnjëshme 15 sekondash, shikuesit do të shohin një reklamë prej 30 sekondash. Këto reklama më të gjata do t’u ofrohen reklamuesëve përmes YouTube Select, një platformë reklamimi që rrit efektivitetin e reklamave me 5%.

Neal Mohan, CEO i YouTube, theksoi gjatë ngjarjes Brandcast, “Gjithnjë e më shumë, shikuesit po angazhohen me përmbajtjen e YouTube në televizorin e shtëpive të tyre. Natyra e përmbajtjes që ata konsumojnë po bëhet më pak e dallueshme, veçanërisht për shikuesit më të rinj.”

Për më tepër, YouTube ka vendosur të eksperimentojë me reklamat që shfaqen kur një shikues ndalon një video në një televizor të lidhur, e ngjashme me funksionin e reklamave të prezantuara nga Hulu disa vite më parë. Këto reklama do të materializohen si banderola që rrethojnë videon e ndaluar, me një opsion për të hequr reklamën, opsion i cili do të jetë në dispozicion të shikuesve.

Megjithatë, YouTube mbetet i paqartë në lidhje me afatin kohor për paraqitjen e këtyre dy ndryshimeve të rëndësishme: reklamat 30-sekondëshe, dhe reklamat gjatë ndalimit të videove.

Kjo përpjekje e re reklamuese vjen pas veprimeve të fundit të YouTube kundër programeve të bllokimit të reklamave. Gjigandi i transmetimit të videove zbuloi javën e kaluar eksperimentet e tij të vazhdueshme me mesazhet pop-up ku thuhej, “Bllokuesit e reklamave nuk lejohen në YouTube”, duke i bindur shikuesit të abonohen në YouTube Premium për një përvojë shikimi pa vonesa, dhe pa reklama.

Ndërsa YouTube intensifikon praninë e tij në reklama, mbetet për t’u parë se si këto ndryshime do të ndikojnë në përvojën e shikuesëve, veçanërisht për ata që përdorin kryesisht televizorët për konsumin e tyre në YouTube.