Në datat 21 dhe 22 shtator, Pallati i Kongreseve në Tiranë shndërrohet në destinacionin e të apasionuarve të teknologjisë dhe jo vetëm. Sipërmarrësit e interesuar për zgjidhje logjistike novative, insitucione në kërkim të praktikave green, të qëndrueshme për punonjësit dhe ambjentet e punës por edhe adoleshentë të dashuruar pas video lojërave më cool të momentit, të gjithë mund të gjejnë diçka që iu pëlqen në këtë event dy ditor.
Future2Tech, Panairi I dedikuar Inovacionit, Teknologjisë dhe Edukimit, prezanton këtë vit produktet dhe shërbimet më inovatore Software dhe Hardware, ofron mundësi për t’u njohur me gjigandët e teknologjisë, sipërmarrës frymëzues, studentë e profesionistë të rinj dhe shumë informacion mbi trendet globale të teknologjisë.
Ndërkohë pjesëmarrësit e panairit janë nga më të ndryshmit. Nga start-up-et deri te kompanitë teknologjike me një treg të gjerë ndërkombëtar, si kompania lider e telekomunikacionit VODAFONE. Të gjitha fushat janë të përfaqësuara, përfshirë Retail, Software, Pharma, Finance, Media, Healthcare, Automotive, Engineering, dhe Fashion Industry.
Në ditën e parë të Panairit, ka mbajtur fjalën e saj edhe Ministrja e Shtetit, Delina Ibrahimaj, duke theksuar mbështetjen e qeverisë për bizneset që përqafojnë praktika të qëndrueshme dhe sjellin risi në tregun shqiptar.
Nëse teknologjia është pika juaj e dobët, nëse doni të çoni biznesin tuaj në nivele të tjera dhe dëshironi të jeni të informuar për zhvillimet më të fundit, Panairi i Teknologjisë në Pallatin e Kongreseve të Tiranës është një ngjarje që nuk duhet humbur. Ky është momenti juaj për të eksploruar inovacionet dhe shkëmbeni eksperiencën me profesionistët e tjerë të teknologjisë. Kështu që, jini të përgatitur të merrni pjesë në këtë eksperiencë të pasur teknologjike dhe të bëheni pjesë e rrjedhës së ndryshimeve në botën e teknologjisë.
