Gjermania është në prag të një hapi të madh: Për herë të parë në historinë e saj, lejon shtetësinë e dyfishtë. Parlamenti Gjerman në Berlin ka filluar konsultimet për reformimin e ligjit të ri të shtetësisë gjermane. 8 risitë kryesore.
1. Lejohet shtetësia e shumëfishtë
Ligji aktual e lejon shtetësinë e dyfishtë për shtetasit e BE-së, Zvicrës si edhe për fëmijët e lindur dhe rritur në Gjermani deri në moshën 22-vjeçare. Më pas ata duhet të vendosnin se cilën shtetësi duhet të mbajnë. Kusht për dhënien e shtetësisë gjermane, sipas ligjit aktual, është heqje e shtetësisë së mëparshme. Ky kusht, anashkalohej vetëm në raste të jashtëzakonshme, kur shteti i origjinës nuk pranonte t’ia hiqte shtetësinë qytetarit të vet. Raste të tilla kanë qenë për shembull, për shtetasit nga Irani, ose edhe nga Kosova, para shpalljes së pavarësisë. Me ligjin e ri, bie kushti i heqjes së shtetësisë tjetër, për të marrë shtetësinë gjermane.
2. Shkurtohen afatet e fitimit të shtetësisë
Ndërsa sipas ligjit ekzistues duheshin tetë vjet qëndrim në Gjermani për të marrë shtetësinë gjermane, ligji i ri lejon marrjen e shtetësisë edhe pas pesë vjetësh qendrimi në Gjermani, madje edhe pas tre vjetësh, nëse dëshmon aftësi të veçanta integruese.
3. Shkurtohet afati i qëndrimit të prindit për fitimin e shtetësisë së fëmijëve
Periudha e nevojshme e qëndrimit të prindit në Republikën Federale për marrjen automatike të shtetësisë gjermane nga ana e fëmijëve të lindur në vend do të shkurtohet nga tetë në pesë vjet. HIqet rregulli i përzgjedhjes së një shtetësie, në moshën 22-vjeçare.
4. Njohja e rendit kushtetues të lirë demokratik
Si parakusht për fitimin e shtetësisë gjermane bie kushti për t’iu nënshtruar jetesës gjermane, dhe vihet kushti i njohjes së rendit kushtetues të lirë dhe demokratik.
5. Shtetësia gjermane nuk u jepet antisemitëve dhe racistëve
Sipas projektligjit dhe propozimeve përkatëse të shtuara nga qeveria, në përgjigje të rritjes së urrejtjes ndaj hebrenjve në Gjermani. Ligji parashikon që shtetësia gjermane të mos u jepet personave që bëjnë propagandë antisemite, ku hyn edhe mohimi i të drejtës ekzistenciale të Izraelit si edhe djegia e flamurit izraelit.
6. Shtetësia nuk u jepet homofobëve dhe burrave të martuar me shumë gra, ose që përçmojnë gratë
Ky propozim i është shtuar projektligjit me kërkesë të Këshillit Federal, Bundesrat, që është organ i dytë ligjvënës në Gjermani, krahas parlamentit në shkallë federale, Bundestag. Këshilli Federal ka kërkuar që të mos u jepet shtetësia gjermane personave që me sjelljen e tyre e kanë dëshmuar se nuk i respektojnë të drejtat e barabarta mes burrave dhe grave ose kryejnë vepra përçmuese ndaj një gjinie të caktuara ose ndaj një orientimi seksual të caktuar”.
7. Informacione në prokurori
Autoritetet përkatëse kanë të drejtë të informohen për kandidatin në zyrat përkatëse të prokurorisë publik për vepra penale të bazuara në motive antisemite, raciste ose të tjera përmuese ndaj njerëzve.
8. Lëshime dhe përjashtime për migrantët e orëve të para
Projektligji bën përjashtime për disa grupe të caktuara migrantësh, që jetojnë në Gjermani prej shumë vitesh, e që janë mbi 65-vjeçarë. Ata kanë të drejtë ta marrin shtetësinë pa kaluar në provim gjuhe, dhe pa qenë nevoja të dëshmojnë se nuk marrin ndihma sociale. Bëhet fjalë sidomos për fuqinë punëtore të rekrutuar nga Gjermania në vitet 50-të deri në fund të viteve 70-të të shekullit të kaluar, e që në Gjermaninë Federale, pra Perëndim, quheshin Gastarbeiter (punëtorë të ftuar), kryesisht nga Turqia dhe ish-Jugosllavia, si edhe punëtorët e rekrutuar nga Gjermania Lindore (Vertragsarbeieter) shumica e të cilëve vijnë nga Vietnami. Gjermania me këtë hap kompenson kështu gabimet e së shkuarës.
SI TË APLIKONI ONLINE
- Përcaktoni përshtatshmërinë tuaj
Para se të aplikoni, rishikoni me kujdes kriteret e përshtatshmërisë për rrugën specifike që synoni të ndiqni. Këto kritere mund të ndryshojnë ndjeshëm, prandaj është thelbësore të siguroheni që të përmbushni të gjitha kërkesat e nevojshme.
2. Mblidhni dokumentet e kërkuara
Mblidhni të gjitha dokumentet dhe provat e nevojshme për të mbështetur kërkesën tuaj. Kjo mund të përfshijë çertifikatat e lindjes, certifikatat e martesës (nëse ka), vërtetimin e vendbanimit, certifikatat e aftësisë gjuhësore, pasqyrat financiare dhe çdo dokument tjetër specifik për situatën tuaj.
3. Plotësoni formularin e aplikimit
Merrni formularin e duhur të aplikimit për rrugën e zgjedhur nga autoriteti kompetent. Plotësoni formularin saktë dhe plotësisht. Sigurohuni që të ndiqni çdo udhëzim specifik të dhënë me formularin e aplikimit (KLIKO KETU)
4. Merrni testin e shtetësisë
Në varësi të rrugës dhe rrethanave tuaja, mund t’ju duhet të bëni një test shtetësie për të demonstruar njohuritë tuaja për shoqërinë, kulturën dhe sistemin ligjor gjerman.
5. Paguani tarifat e aplikimit
Në varësi të situatës suaj dhe rrugës që po ndiqni, mund të ketë tarifa aplikimi që lidhen me aplikimin tuaj për shtetësi. Tarifa e aplikimit për natyralizim është 255 euro për të rritur dhe 55 euro për të mitur(KLIKO KËTU)
6. Paraqisni aplikimin tuaj
Paraqisni formularin tuaj të plotësuar të aplikimit dhe të gjitha dokumentet e kërkuara tek autoritetet përkatëse. Procesi i dorëzimit mund të ndryshojë në varësi të vendndodhjes tuaj. Këtu mund të kërkoni për një autoritet natyralizimi në zonën tuaj. Sigurohuni që të bëni kopje të të gjitha dokumenteve të dorëzuara për të dhënat tuaja.
7. Merrni pjesë në një intervistë
Në disa raste, aplikantëve mund t’u kërkohet të marrin pjesë në një intervistë ose të japin informacion shtesë si pjesë e procesit të aplikimit. Përgatituni për këtë intervistë duke shqyrtuar aplikacionin tuaj dhe duke qenë gati për t’iu përgjigjur pyetjeve në lidhje me sfondin dhe synimet tuaja.
8. Prisni për përpunimin e të dhënave
Përpunimi i aplikimeve për shtetësi mund të zgjasë disa muaj, ndaj jini të durueshëm. Gjatë kësaj kohe, autoritetet do të shqyrtojnë aplikimin tuaj, do të kryejnë kontrolle të historisë dhe do të verifikojnë përshtatshmërinë tuaj.
9. Ceremonia e betimit
Nëse aplikimi juaj miratohet, mund t’ju kërkohet të merrni pjesë në një ceremoni betimi për t’u bërë zyrtarisht shtetas gjerman. Gjatë ceremonisë, ju do të betoheni për besnikëri ndaj Gjermanisë dhe do të merrni certifikatën tuaj të shtetësisë.
10. Merrni certifikatën e shtetësisë gjermane
Pas përfundimit me sukses të procesit, ju do të merrni certifikatën tuaj të shtetësisë gjermane, e cila shërben si dëshmi e shtetësisë suaj.
11. Aplikoni për pasaportën tuaj gjermane
Hapi i fundit për të plotësuar kërkesën tuaj për shtetësi është të aplikoni për pasaportën tuaj të re gjermane. Këtë mund ta bëni në zyrën e qytetarit (Bürgeramt) në zonën tuaj të banimit në Gjermani. Është e rëndësishme që ta bëni këtë personalisht pasi nuk është e mundur që dikush tjetër të aplikojë në emrin tuaj.
