Air Canada po detyrohet të përmbushë një premtim të bërë nga chatbot-i i saj me AI.
Një klient kanadez thuhet se i kërkoi chatbot-it të kompanisë për sqarime mbi çmimet e fluturimeve të menjëhershme për shkak të një humbjeje në familje kur gjyshja e tij vdiq. Chatbot i tha atij: “Nëse ju duhet të udhëtoni menjëherë ose keni udhëtuar tashmë dhe dëshironi të dorëzoni biletën tuaj për një çmim të reduktuar për “zi”, bëjeni këtë brenda 90 ditëve nga data kur bileta juaj është lëshuar duke plotësuar formularin tonë të Aplikimit për Rimbursimin e Biletës.” raporton Ars Technica.
Klienti ndoqi këshillën dhe rezervoi një biletë, dhe më pas kontaktoi me Air Canada për një rimbursim. Siç rezulton, politika e kompanisë në të vërtetë thotë se ajo nuk do të sigurojë rimbursime për udhëtimet e “humbjeve të të afërmëve” pas rezervimit të një fluturimi.
Fillimisht, Air Canada refuzoi të respektonte premtimin e chatbot-it, duke argumentuar se roboti lidhej gjithashtu me politikën e humbjes së kompanisë, e cila – nëse lexohej – do të provonte që deklarata e tij fillestare ishte e rreme. Kompania megjithatë i ofroi klientit një kredit prej 200 dollarësh për ta përdorur në një fluturim të ardhshëm.
Klienti përfundoi duke paraqitur një ankesë në gjykatën e kërkesave të vogla ku linja ajrore argumentoi më tej se “chatbot është një ent juridik i veçantë që është përgjegjës për veprimet e veta”, me sa duket hera e parë që një kompani kanadeze është përpjekur të provojë se nuk është përgjegjëse për veprimet e chatbot-it të tij.
