Shërbimet e e-Albania do të ndërpriten për tre ditë – Ja çfarë duhet të dini

Shërbimet e e-Albania do të ndërpriten për tre ditë, pasi platforma do t’i nënshtrohet një procesi të planifikuar përditësimi teknik, me synim përmirësimin e infrastrukturës teknologjike dhe rritjen e performancës së sistemit. 

Sipas njoftimit zyrtar, gjatë kësaj periudhe shërbimet elektronike do të jenë përkohësisht jashtë funksionit dhe nuk do të jenë të aksesueshme për qytetarët dhe bizneset.

Ndërprerja e shërbimeve do të nisë më 15 maj, në orën 22:00, dhe do të zgjasë deri më 18 maj, në orën 08:00. Gjatë këtij intervali kohor, aksesimi në portal dhe përdorimi i shërbimeve digjitale nuk do të jetë i mundur.

Autoritetet bëjnë të ditur se ky ndërhyrje teknike është pjesë e procesit të modernizimit të vazhdueshëm të platformës, e cila shërben si një nga infrastrukturat kryesore të shërbimeve publike digjitale në vend.

Lexo edhe: 6 llojet e bizneseve që NUK duhet t’i nisni në 2026!

Gjatë kohës së ndërprerjes, qytetarët dhe përdoruesit e platformës nuk do të mund të kryejnë aplikime apo të aksesojnë shërbimet elektronike. Autoritetet kanë bërë thirrje për mirëkuptim, duke theksuar se ndërhyrja është e domosdoshme për përmirësimin afatgjatë të sistemit.

Në rast të problemeve apo nevojës për asistencë, përdoruesit mund të kontaktojnë shërbimin e suportit në adresën elektronike: helpdesk@e-albania.al