Pak gra kanë aq pushtet sa Mira në zyrat e kompanive të mëdha të teknologjisë, një vend të dominuar më shumë nga burrat.
Mira Murati (Vlorë, Shqipëri, 34 vjeç) ka qenë një nga ideatorët kryesore të tërmetit të quajtur OpenAI, kompania që vetëm një vit më parë askush nuk e njihte. Si shefja e teknologjisë së kompanisë, Murati ka mbikëqyrur ekipin që ka zhvilluar ChatGPT, aplikacionin më të suksesshëm në histori dhe gjeneratorin e imazheve Dall-E.
Emri i saj ishte i pari që u mor në konsideratë për të zëvendësuar CEO Sam Altman kur bordi i drejtorëve të kompanisë e shkarkoi tre javë më parë.
Kjo histori dhe pozicioni i saj si ekzekutive në OpenAI, një nga kompanitë më të rëndësishme të momentit e ka vendosur atë në listën e Financial Times të femrave më me ndikim të vitit.
Lista përfshin gjithashtu futbollisten spanjolle Jenni Hermoso, këngëtaren Beyonce, aktoren Margot Robbie, CEO e General Motors Mary Barra dhe Presidenten e Komisionit Europian Ursula vor den Leyen.
Murati ishte një nga katër njerëzit që themeluan OpenAI. Përveç saj dhe Altman, grupi përfshin Ilya Sutskever, kryeshkencëtarin, dhe Greg Brockman, president i kompanisë.
Murati i qëndroi besnik mikut të saj kur u pushua nga puna: pavarësisht se u zgjodh si CEO e përkohshme, ajo iu bashkua letrës së nënshkruar nga 95% e stafit të kompanisë që kërkonte rivendosjen e Altman si kreu i OpenAI.
Murati, me origjinë shqiptare ka një diplomë në Inxhinieri Mekanike nga Kolegji Dartmouth, universiteti amerikan ku lindi disiplina e AI.
Para se të ishte pjesë e OpenAI, ajo ishte një analiste në Goldman Sachs, një inxhiniere në kompaninë franceze të hapësirës ajrore Zodiac Aerospace, një menaxhere produkti në Tesla, ku mbikëqyrte Model X dhe zëvendëspresidente e produktit në Leap Motion, një kompani e realitetit virtual.
Në vitin 2018, ajo bëri hapin e saj drejt OpenAI për shkak të njohurive të saj. Ajo donte të ishte pjesë e zhvillimit Inteligjencës Artificiale, dhe ajo ndjeu se vendi më i mirë për të ishte OpenAI.
Murati luajti gjithashtu një rol kyç në zhvillimin e ChatGPT.
Murati është e vetmja grua e rangut të lartë në OpenAI.
