Së fundmi u zbulua se në vitin 2017 Microsoft patentoi një chatbot i cili, nëse ndërtohet, do të ringjallte në mënyrë dixhitale të vdekurit. Duke përdorur AI dhe mësimin e makinerive, chatbot-i i propozuar do të sillte përsëri në jetë personin tonë dixhital për të biseduar me familjen dhe miqtë tanë. Kur u fol mbi teknologjinë, përfaqësuesit e Microsoft pranuan se chatbot ishte “shqetësues” dhe se aktualisht nuk kishte plane për ta vënë atë në prodhim.
Megjithatë, duket se mjetet teknike dhe të dhënat personale janë në vend për të bërë të mundur rimishërimin dixhital. Chatbot-et e AI tashmë kanë kaluar “Testin Turing”, që do të thotë se ata kanë mashtruar njerëzit e tjerë duke menduar se janë gjithashtu njerëz.
Lexo edhe: Ky chatbot imiton të vdekurit. Ja si mund të simuloni një bisedë me njerëzit që keni humbur
Por aktualisht nuk ka ligje që rregullojnë rimishërimin dixhital. E drejta juaj për privatësi të të dhënave pas vdekjes suaj është larg të qenit e vendosur në gur dhe aktualisht nuk ka asnjë mënyrë që ju të hiqni dorë nga ringjallja dixhitale. Kjo paqartësi ligjore u lë hapësirë kompanive private që të bëjnë chatbot nga të dhënat tuaja pasi të keni vdekur.
Nëse chatbot-et dhe hologramet nga përtej varrit do të bëhen të zakonshme, do të na duhet të hartojmë ligje të reja për t’i qeverisur ato. Në fund të fundit, duket si një shkelje e të drejtës së privatësisë për të ringjallur në mënyrë dixhitale dikë, trupi i të cilit shtrihet nën një gur varri ku lexohet “prehu në paqe”.
