Platforma X (ish-Twitter) ndalon postimet nëse ato përmbajnë fjalë që konsiderohen fyerje në këtë rrjet social dhe një ka ngritur një pluhur të veçantë këto ditë.
Pronari i platformës, Elon Musk, shkroi vitin e kaluar se fjalët “cis” dhe “cisgender” konsiderohen si fyerje në këtë platformë.
Këto fjalë përshkruajnë, siç shpjegohet shpesh shkurt, një person gjinia e të cilit korrespondon me gjininë që kanë në lindje dhe që përmbush rolet gjinore që janë në përputhje me normat shoqërore.
Lexo edhe: Elon Musk ka një ide të re, përdoruesit e rinj të platformës X do të paguajnë
Më 14 maj, ky rrjet social publikoi një paralajmërim zyrtar që tregon edhe fjalë që konsiderohen fyerje.
Siç raportoi TechCrunch, përdoruesit që u përpoqën të postonin diçka në X duke përdorur fjalët “cis” ose “cisgender” morën një paralajmërim.
“Postimi përmban fjalë që mund të konsiderohen fyese dhe përdoren për të shkelur rregullat e platformës”, njoftoi kompania.
