Apple heq emojin e familjes dhe vendos atë të burrit nuse dhe burrit shtatzënë

Në përditësimin e fundit të iOS 17.4, Apple ka bërë disa ndryshime radikale në koleksionin e saj të emojive, duke përfshirë zëvendësimin e emojive tradicionale të familjes me disa silueta gjinore neutrale dhe prezantimin e figurave të reja si burri me fustan, vello dhe mustaqe, gruaja me kostum dhe papijon, dhe më e çuditshmja burri shtatzënë.

Ky hap ka ngritur shumë polemika dhe pyetje mbi atë se kë përfaqëson Apple me këto ndryshime. Ndërsa kompania justifikohet duke thënë se emojit e verdha nuk i përfaqësonin të gjithë, shumë kritikë mendojnë se emojit e reja nuk përfaqësojnë askënd, pasi janë persona pa identitet gjinor dhe pa ngjyrë.

Për Apple, ky ndryshim duket të jetë një përpjekje për të qenë më gjithëpërfshirës dhe për të reflektuar më mirë diversitetin e shoqërisë moderne. Megjithatë, ky veprim është parë nga shumë si një largim nga realiteti biologjik dhe shoqëror.

Lexo edhe: Zbulohen veçoritë e reja me Al që do të marrë iOS 18 i Apple

Burrat nuk kanë mitër dhe nuk mund të mbeten shtatzënë, gjë që e bën prezantimin e një emoji të tillë të çuditshëm dhe të paarsyeshëm për disa përdorues. Kritikët argumentojnë se kjo lëvizje, në vend që të shtojë përfaqësimin, krijon figura të cilat nuk pasqyrojnë asnjë grup të vërtetë njerëzish.

Nga ana tjetër, në kampin e Android-it, qasja ndaj emojive ka qenë më e ndryshme dhe e larmishme. Pajisjet Android kanë ndjekur më afër rekomandimet e Unicode dhe kanë ruajtur stilin gjinor për disa opsione ekzistuese.

Për shembull, telefonat Samsung kanë përditësuar stilet e siluetave për emojit e reja të familjes, por nuk kanë bërë ndryshime retroaktive për 25 emojit e mëparshme të familjes. Kjo tregon se ndryshimet në botën e emojive janë në zhvillim të vazhdueshëm dhe se përdoruesit e Android mund të presin ndryshime të mëtejshme në të ardhmen e afërt.

©TechNews.al