Në fillim të këtij muaji, Apple njoftoi një partneritet me OpenAI për të integruar ChatGPT në Siri. Tani, Wall Street Journal raporton se Apple është në bisedime të ngjashme me Metën. Këto diskutime nuk janë finalizuar dhe të dyja kompanitë kanë evituar prononcimet.
Strategjia e AI-së e Apple fokusohet në shtimin e veçorive praktike, si shkrimi i sugjerimeve dhe emoji-ve të personalizuara, në produktet e saj ekzistuese, duke i dhënë përparësi prakticitetit mbi shkëlqimin. Kjo qasje mund të ndihmojë adoptimin e AI duke shfrytëzuar partneritetet për të përmirësuar aftësitë përtej modeleve të saj të AI.
Lexo edhe: Tim Cook flet për Apple Intelligence: AI mund të ketë të meta
Një marrëveshje me Meta-n mund të zvogëlojë mbështetjen e Apple në një partner të vetëm dhe të vërtetojë teknologjinë AI të Meta-s. Apple ofron shpërndarje për partnerët e AI, të cilët më pas mund të shesin abonime premium. Pavarësisht shqetësimeve të Elon Musk për integrimin e ChatGPT me Apple, kompania siguron se do të kërkojë lejen e përdoruesit përpara se të ndajë të dhënat.
Për më tepër, Apple planifikon të nxjerrë Apple Intelligence me iOS 18, iPadOS 18 dhe macOS Sequoia më vonë këtë vit, por do t’i përjashtojë këto veçori nga BE për shkak të Aktit të Tregjeve Dixhitale./TechCrunch
