Faqja online “World Population Revieë” tregon numrin e përdoruesve të Tik Tok në 157 vende të botës për vitin 2024. Sipas renditjes janë 1,5 milion shqiptarë me një llogari në TikTok duke e renditur vendin tonë të dytin në rajon pas Serbisë me 2.3 milion përdorues e lënë pas Kroacinë me 1.1 milion përdorues.
754.000 përdorues ka Maqedonia e Veriut ndërsa fqinji ynë tjetër Mali i Zi 286.000. Propozimi qeverisë shqiptare për mbylljen e kësaj platoforme për 1 vit, ka prodhuar debate të forta pro dhe kundër, raporton Top Channel.
E në fakt ky propozim vjen prej kryeministrit Edi Rama i cili në Tik Tok renditet në vend të parë prej politikanëve në Shqipëria , për numrin e ndjekësve në këtë platformë me mbi 137.000 të tillë dhe me 2 milion pëlqime.
Lexo edhe: Kryeministri Rama merr vendimin e papritur: Mbyllim TikTok-un për 1 vit!
Kryetari PD Sali Berisha kundërshtues i mbylljes ka në Tik Tok rreth 60.000 ndjekës.
Partitë e reja kundërshtojnë mbylljen e Tik Tok, me argumentin se kjo po bëhet për ti shuar artyre vizibilitetin dhe komunikimin me publikun. Megjithëse me një numër relativisht të ulët ndjekësish, po e përdorim me efikasitet këtë platformë për shpërndarjen e programeve dhe qëndrimeve te tyre.
Prej krijimit TikTok, ka prodhuar edhe disa milionerë shqiptarë. Përmes asaj që njihet si Live Games nga ku ndjekësit blejnë përmes llogarive bankare dhe çojnë “gifte dhurata, njëri prej tyre, kuksiani Aleks Visha, ka pohuar se ka fituar 20 milion dollarë në tre vjet.
Gazetari Top Channel Muhamed Veliu thotë se “e ndërsa Tik Toku shqiptarë është i mbushur me sharje e kërcënime ekstremisht të dhunshme të cilat kanë prodhuar viktima, javët e fundit një ish i dënuar shqiptarë në Angli i quajtur Fabiol Kuçi njohur si Gucci, me rrëfimet e vuajtjeve gjatë kryerjes së dënimit në 42 burgje të ndryshme, angleze, është kthyer në fenomenin e Tik Tokut për momentin.
Kuci gjatë një dalje Live të TikTok arriti të ndiqet nga 80.000 mijë ndjekës duke thyer çdo rekord të mbajtur deri më tani, prej një shqiptari, në këtë platformë.
32 vjeçari Fabiol Kuçi, përmes kësaj audience marramendëse ndjekësish, duke rrëfyer detaje nga burgosja e qëndrimi për një kohë të gjatë në dhomat e izolimit, që kur ishte 16 vjeç, përcjell çdo mbrëmje, mesazhe këshilluese për të rinjtë, sidomos ata në Angli, në të qëndruarin larg botës së krimit.
“Futuni e qëndroni 24 orë mbyllur në banjo e pastaj do ta kuptoni rëndësinë e lirisë” ka thënë i riu me origjinë nga Vlora në një prej daljeve Live në Tik Tok.
Rrëfimet e sinqerta e origjinale, larg gjuhës së sharjeve e kanë kthyet Fabiol Kuçiin në shqiptarin më të ndjekur e më të dashur të kësaj platforme javët e fundit , platformë e cila duket se fillimin vitin e ardhshëm nuk do të përdoret në Shqipëri.
PËRDORUESIT E TIK TOK NË RAJON 2024
Serbia 2.3 milion
Shqipëria 1.5 milion
Kroacia 1.1 milion
Maqedonia e Veriut 754.000
Mali i Zi 286.000.
POLITIKANËT SHQIPTARË NË TIK TOK
Edi Rama 137.8 K
Sali Berisha 59.5 K
Agron Shehaj 41.7 K
Arlind Qori 38.9 K
Adriatik Lapaj 27 K
Endrit Shabani 17.2 K
