Twitter raporton humbje nga reklamat, pas publikimit të Threads

Investimi prej 44 miliardë dollarësh i Elon Musk në Twitter ende nuk po shpërblehet, mes rritjes së vazhdueshme të platformës së re të Meta-s, Threads. Kjo platformë e mediave sociale, e integruar me Instagram, po rritet me shpejtësi, duke përfituar nga baza kolosale e përdoruesve të Instagram-it prej mbi 1 miliard përdorues aktivë mujorë.

Musk kohët e fundit postoi në Twitter mbi luftën e vazhdueshme mes Meta-s dhe Twitter, duke zbuluar: “Ne jemi ende fluks monetar negativ, për shkak të rënies prej 50% në të ardhurat nga reklamat, plus ngarkesën e rëndë të borxhit. Duhet të arrijmë fluksin pozitiv të të ardhurave përpara se të kemi luksin e çdo gjëje tjetër.”

Flukset negative të parasë pasqyrojnë një situatë ku shpenzimet e kompanisë tejkalojnë të ardhurat, duke krijuar një problematikë në shëndetin financiar të platformës. Sidoqoftë, ai la të kuptohet gjithashtu për një mjedis pozitiv të mediave sociale, duke treguar potencialin për aktivitetin e përdoruesve që theu rekord në platformë këtë javë.

Artikull i ngjashëm:
Threads zëvendëson Twitter: 30 milionë regjistrime në 24 orë!

Nën udhëheqjen e Musk, Twitter është përballur me një sërë ndryshimesh politikash, duke përfshirë fitimin e parave nga shenjat të verifikimit dhe ndryshimet e shpeshta në kufijtë e përditshëm të tweet-eve. Kjo lloj mospërputhjeje ka bërë që reklamuesit të jenë të kujdesshëm dhe të tërheqin mbështetjen e tyre.

Pavarësisht pohimit të Musk në prill se reklamuesit po ktheheshin dhe fluksi i parave së shpejti do të bëhej pozitiv, ky optimizëm ende nuk është materializuar. Në atë kohë, Musk pohoi, “Pothuajse të gjithë [reklamuesit] ose janë kthyer, ose kanë thënë se do të kthehen”.

Artikull i ngjashëm:
Threads tejkalon 100 milionë përdorues, trafiku në Twitter merr një goditje të rëndë

Kërkimi nga Sensor Tower, një firmë analitike aplikacionesh, paraqet një pamje shqetësuese për Twitter. Gjatë një periudhe dymujore në fillim të këtij viti, të ardhurat nga reklamat e Twitter u ulën me 89%, duke zbritur në vetëm 7.6 milionë dollarë. Për krahasim, kjo shifër zbehet përpara 71 milionë dollarëve të shpenzuara për reklama nga dhjetë reklamuesit kryesorë të Twitter nga shtatori deri në tetor të vitit të kaluar, përpara blerjes së Musk.

Ndërkohë, Meta e Mark Zuckerberg duket se po përfiton nga paqendrueshmëritë e Twitter. Platforma e saj e publikuar së fundmi, Threads, kërkon që abonentët e rinj të kenë një llogari në Instagram, duke e bërë procesin e regjistrimit të thjeshtë për bazën masive të përdoruesve të Instagramit. Ky integrim i drejtpërdrejtë me Instagram po nxit rritjen e shpejtë të abonentëve të Threads dhe po sfidon pozicionin e Twitter në treg.

Artikull i ngjashëm:
Threads: Rivali i Twitter sheh rënie të angazhimit të përdoruesve pas bumit fillestar

Ndërsa Musk lundron në këto kohë të trazuara për Twitter-in, sfida kryesore do të jetë rifitimi i besimit të reklamuesve dhe forcimi i fluksit të parave të platformës, ndërkohë që do të përballet me konkurrencën në rritje.