Shkencëtarët në Laboratorin Kombëtar të Energjisë së Rinovueshme të Departamentit të Energjisë së SHBA-së (NREL) kanë krijuar një panel diellor të dyanshëm, të aftë për të gjeneruar energji nga të dyja anët, një zhvillim që mund të përmirësojë ndjeshëm përdorimin e energjisë diellore.
Ndryshe nga pajisjet diellore konvencionale të cilat thithin energji vetëm nga ana përballë Diellit, pajisjet diellore dyfaciale, të zhvilluara së fundmi, përdorin gjithashtu rrezet e diellit të reflektuara që godasin pjesën e pasme, duke rritur kështu potencialin e saj për rendiment energjie më të lartë, duke reduktuar njëkohësisht kërkesën për hapësirë, dhe kostot totale.
Në mënyrë tipike, përmirësimet në efikasitetin e pajisjeve diellore përqendrohen në anën e drejtuar nga dielli. Megjithatë, kjo qasje e re mund të tejkalojë kufijtë teorikë ekzistues për përthithjen e energjisë, tha Kai Zhu, studiues në Qendrën e Kimisë dhe Nanoshkencës në NREL.
Aktualisht, shumica e teknologjive të pajisjeve diellore përdorin silikonin si material gjysmëpërçues, dhe arrijnë një normë efikasiteti prej rreth 26%. Është interesante se paneli i ri arriti një shkallë efikasiteti prej rreth 23% në anën e përparme gjatë testeve laboratorike. Megjithatë, përditësimi i rëndësishëm është ana e pasme e panelit, e cila jep një efikasitet prej 20%, duke rritur gjenerimin e përgjithshëm të energjisë deri në 20% kur përdoren të dyja anët paralelisht.
Artikull i ngjashëm:
Bëhuni gati për Panele Diellore 100% të riciklueshme
Studimi mbështetet nga hapat e rëndësishëm të bërë në vitet e fundit. Ky material ka vendosur rekorde të reja në efikasitet, ka nxitur përparime në pajisjet diellore dhe ka hapur rrugën për zhvillimin e teknologjive të gjeneratës së ardhshme.
Efikasiteti maksimal i matur në laborator, që tejkalon 30%, është arritur me panelet diellore tandem silikon-perovskite, dhe kufiri i tyre teorik është shumë më i lartë se ai i qelizave të pastër silikoni. Këto zhvillime kanë bërë që dy startup-e të pavarura të shpallin prodhimin komercial të këtyre paneleve të gjeneratës së ardhshme.
Artikull i ngjashëm:
Dielli, kripa dhe qëndrueshmëria: Krijohet ferma më e madhe e energjisë diellore në botë
Ndërsa prodhimi i paneleve diellore dyfaciale fillimisht do të kushtonte më shumë se modulet konvencionale monofaciale, aftësitë e tyre të rritura të prodhimit të energjisë mund t’i bëjnë ato ekonomikisht më të qëndrueshme në afat të gjatë.
