Kanë kaluar 31 vjet që kur u dërgua mesazhi i parë me tekst në botë dhe që atëherë duhet të ketë pasur triliona tekste. Megjithatë, gjithmonë duhet të ketë një të parë dhe ai mesazh i parë u dërgua pak më shumë se 31 vjet më parë dhe ishte vetëm dy fjalë.
Në ditët e fundit të vitit 1992, Vodafone po punonte në shërbimin e tyre SMS, i cili do t’i lejonte njerëzit t’i dërgonin mesazhe njëri-tjetrit. Duhej dhe pak kohë për ta realizuar plotësisht këtë shërbim, por më 3 dhjetor të atij viti inxhinieri Neil Papworth i dërgoi mesazhin ‘Gëzuar Krishtlindjen’ kolegut Richard Jarvis.
Teksti i parë u dërgua nga një celular Orbitel 901 dhe filloi dërgimin e mesazheve, megjithëse mjaft ngadalë pasi teknologjisë iu desh pak kohë për të arritur.
Nuk kaloi shumë kohë para se Nokia të integronte mesazhet në telefonat e tyre, madje duke përfshirë tonin “bip” për të lajmëruar mesazhin, një vit pasi Papworth dërgoi mesazhin e parë.
Në fillim njerëzit nuk mund të shkruanin mesazhe në celularin e tyre pasi nuk kishin tastierat e duhura. Pas kësaj, ekzistonte gjithashtu pengesa për të qenë në gjendje t’u shkruaje njerëzve vetëm mesazhe në të njëjtin rrjet telefonik, gjë që mbeti e tillë deri në vitin 1999. Por pa kaluar shumë kohë, gjithçka u zbulua dhe një miliardë gishta dërguan mesazhet e tyre në një miliardë telefona.
“Në vitin 1992, nuk e kisha idenë se sa popullore do të bëheshin mesazhet dhe se do të krijoheshin emoji-t dhe aplikacionet e mesazheve të përdorur nga miliona njerëz,” tha Papworth.
