I riu shqiptar që prej disa vitesh studion dhe jeton në Kanada, Luka Lamaj, themeluesi i aplikacionit “Docere Health” tregoi se arriti të krijonte këtë aplikacion që e përdorin 200 klinika shëndeti dhe 3 spitale më të njohura kanadeze.
“Komunikimi mes mjekëve dhe pacientëve si edhe ekzaminimet mjekësore bëhen online. Këtë e kam krijuar vetë nga fillimi. Ftova partnerin tim që është për teknologji dhe e kemi ndërtuar bashkë. Kështu ka nisur dhe tani për momentin jam aksioneri kryesor i kompanisë. Platformën e kemi ndërtuar në një mënyrë shumë të mirë, sa i përket edhe pjesës së privatësisë dhe nuk kemi asnjë problem për sigurinë e të dhënave të pacientëve. Pasi i kemi marrë të gjitha masat”, tha ndër të tjera ai.
Gjithashtu shpjegoi se me inteligjencën artificiale merren në konsideratë databaza e të dhënave, kërkimi shkencor, pyetësori përpara se të futesh në vizitë me doktorin, po ashtu jepet një përshkrim për të gjithë pacientin. Doktori përpara se të vijë pacienti në klinikë i ka të gjitha informacionet.
“Tani për tani jemi në tre spitalet më të mëdha të Kanadasë. Ka gjeneruar rreth gjysmë milionë dollarë të ardhura”, u shpreh ai./abcnews
