Kryeministri britanik Rishi Sunak shpall sot planet për të ndaluar shitjen e cigareve elektronike njëpërdorimshe për të parandaluar përdorimin e tyre nga fëmijët dhe të përsërisë synimin e qeverisë për të futur një ligj që ndalon brezat e rinj të blejnë duhan.
Sipas kompetencave të reja, do të ketë kufizime në shijet e cigareve elektronike, një kërkesë për paketim të thjeshtë dhe ndryshime në mënyrën se si shfaqen ‘vapes’ ose cigaret elektronike për t’i bërë ato më pak tërheqëse për fëmijët.
“Përveç angazhimit tonë për të ndaluar fëmijët që mbushin 15 vjeç këtë vit ose më të rinj që të mos shiten ligjërisht cigare, këto ndryshime do të lënë një trashëgimi të qëndrueshme duke mbrojtur shëndetin e fëmijëve tanë për një afat të gjatë,” tha Sunak në një deklaratë.
Pirja e duhanit është vrasësi më i madh i parandalueshëm në Britani, duke shkaktuar një në katër vdekje të lidhura me kancerin, ose rreth 80,000 në vit, thotë qeveria. Në tetor, Sunak njoftoi planet për të miratuar një ligj që do të thotë se kushdo i lindur më ose pas 1 janarit 2009, nuk do të jetë në gjendje të blejë duhan gjatë jetës së tij.
