Përdoruesit e iPad kanë pritur më shumë se një dekadë për këtë aplikacion 

Instagram në iPad ka qenë prej kohësh një nga përvojat më të kërkuara dhe më të vonuara të aplikacioneve.

Dhe pas vitesh spekulimesh, duket se Meta më në fund “po dorëzohet”.

Sipas Mark Gurman të Bloomberg, Instagram për iPad tani është në zhvillim aktiv, me punonjësit e Metas që tashmë e testojnë aplikacionin nga brenda.

Nëse gjithçka shkon sipas planit, një lançim mund të ndodhë para fundit të vitit,.

Ndryshe, për vite me radhë, kreu i Instagramit, Adam Mosseri e kishte minimizuar nevojën për një version iPad, duke sugjeruar se baza e përdoruesve nuk ishte mjaft e madhe për të justifikuar përpjekjen.

Por, ky qëndrim duket se po ndryshon shpejt.

Lexo edhe Kjo lodër sapo i gjeneroi 1.6 miliardë dollarë CEO-s së saj në vetëm 24 orë (FOTO)

Një nga arsyet e vonesës ishte teknike, pasi ekrani më i madh i iPadit paraqiste sfida unike.

Kishte gjithashtu shqetësime se përmbajtja me rezolucion të ulët mund të mos përshtatej mirë në një tablet me rezolucion të lartë.

Megjithatë, Gurman vëren se mjetet e përmirësuara të interpretimit dhe aftësitë e pajisjeve tani i kanë bërë këto pengesa më të lehta për t’u kapërcyer.