Fansat e GTA 6 kanë një tjetër arsye për t’u emocionuar! Disa pamje të reja nga loja kanë zbuluar më shumë detaje rreth makinave që pritet të jenë pjesë e botës së Grand Theft Auto VI.
Lexo edhe: GTA 6 mbërrin edhe në Tiranë, një mural gjigant shfaqet në kryeqytet
Nga makinat klasike amerikane me motorë të fuqishëm, të njohura si muscle cars, deri te supermakinat moderne, Rockstar Games duket se po përgatit një koleksion të larmishëm automjetesh për lojtarët.
Makinat kanë qenë gjithmonë një pjesë thelbësore e serisë GTA, duke u dhënë lojtarëve mundësinë të eksplorojnë qytetet, të marrin pjesë në gara dhe të realizojnë misione të ndryshme.
GTA 6 do t’i rikthejë lojtarët në Vice City, një qytet i frymëzuar nga Miami, ku rrugët, plazhet dhe autostradat pritet të ofrojnë një ambient ideal për të provuar automjetet e reja.
Megjithatë, lista e plotë e makinave që do të jenë të disponueshme në lojë nuk është konfirmuar ende.
Me afrimin e lançimit, çdo detaj i ri po shton pritshmëritë për një nga videolojërat më të shumëpritura të viteve të fundit.
