Emiratet e Bashkuara Arabe kryesojnë listën kur bëhet fjalë për shpejtësinë e internetit mobil, ndërsa kur bëhet fjalë për internet fiks, listës i prin Singapori.
Këto janë të dhënat që dalin nga Indeksi Global i Speedtest i cili përfshin renditjen e shpejtësisë së internetit për disa nga vendet në botë.
Në këtë drejtim, është bërë e ditur se Emiratet e Bashkuara Arabe kryesojnë listën kur bëhet fjalë për shpejtësinë e internetit mobil (584.97 Mbps), Katari (507.47) dhe Kuvajti (413.57).
Ndërsa sa i përket internetit fiks, udhëheq Singapori (386.96 Mbps), Kili (332.41) dhe Hong Kongu (324.97).
Në këtë indeks janë përfshirë edhe të dhënat për internetin mobil më të shpejtë ndër shtetet e Ballkanit Perëndimor.
Lexo edhe: Ky aplikacion funksionon pa internet dhe pa numër telefoni
Këtu bëhet e ditur se një internet më të shpejtë mobil “e gëzojnë” qytetarët e Maqedonisë së Veriut (161.53 Mbps), ndërsa Serbia prin për internetin fiks me shpejtësinë më të madhe në rajon (92.21).
Në anën tjetër, qytetarët në Bosnje e Hercegovinë kanë internetin më të ngadaltë nëpër celularë dhe nëpër shtëpi e zyra (29.65, përkatësisht 35.71 Mbps).
Kosova thuhet se ka një internet mobil me shpejtësi 97.43 Mbps (duke u renditur në vendin e 45-të) ndërsa internet fiks prej 82.24 Mbps (ku renditet në vendin e 82-të).
Përveç këtyre, aty është edhe Shqipëria, e cila ka internet mobil prej 104.11 Mbps (duke u vendosur në vendin e 41-të) ndërsa internet fiks 84.64 Mbps (gjë që e vendos në vendin e 76-të).
