Shtetet e Bashkuara të Amerikës janë shumë pranë arritjes së një marrëveshjeje me Kinën për TikTok, deklaroi Scott Besant, Sekretari i Thesarit të SHBA-së, gjatë ditës së dytë të bisedimeve tregtare me një delegacion kinez në Madrid.
Besant theksoi se, pavarësisht bisedimeve për TikTok, marrëdhënia SHBA-Kinë mbetet e fortë, sidomos në nivelet më të larta të qeverive.
“Nëse nuk arrijmë një marrëveshje për TikTok, kjo nuk do të ndikojë në marrëdhëniet tona të përgjithshme,” shtoi ai, duke siguruar se lidhjet dypalëshe mbeten të qëndrueshme.
Për më tepër, Besant bëri thirrje për një angazhim të vazhdueshëm dhe të ndershëm nga të dy palët, duke nënvizuar rëndësinë e qëndrueshmërisë ekonomike dhe strategjike mes dy superfuqive.
Lexo edhe: Protesta të dhunshme në Nepal për shkak të ndalimit të rrjeteve sociale? Ja e vërteta
Diskutimet për TikTok kanë qenë një temë kryesore në marrëdhëniet SHBA-Kinë gjatë muajve të fundit, me administratën amerikane që ka ngritur shqetësime mbi sigurinë e të dhënave të përdoruesve dhe mundësinë e ndikimit të qeverisë kineze në aplikacion.
Bisedimet e Madridit janë një mundësi e artë për të ulur tensionet dhe për të shtyrë përpara një marrëveshje që mund të ketë ndikim të rëndësishëm në tregtinë dhe teknologjinë globale.
