Për krijuesit e përmbajtjes në Instagram, ka kohë që qarkullon një dyshim: a penalizon algoritmi videot që janë montuar jashtë Instagramit, për shembull në CapCut apo aplikacione të tjera? Shefi i Instagramit, Adam Mosseri, ka dhënë një sqarim të drejtpërdrejtë në profilin e tij, duke hedhur poshtë këtë ide.
Lexo edhe: Instagram ndryshon logon e shkrimit pas 10 vitesh: një pamje më moderne
Sipas Mosserit, mund t’i montoni videot në aplikacionin që dëshironi dhe kjo nuk do të dëmtojë reach-in e tyre në Instagram. Pra, përdorimi i CapCut, Premiere Pro apo çdo aplikacioni tjetër për montazh nuk sjell automatikisht ulje të shikueshmërisë.
Megjithatë, ekziston një gjë që krijuesit duhet ta shmangin: watermark-u ose emri i një aplikacioni tjetër mbi video. Pra, problemi nuk është se ku e keni montuar videon, por shenjat dalluese të aplikacioneve të tjera që mund të mbeten në përmbajtje. Instagram vetë ka edhe aplikacionin Edits, të krijuar për montazh videosh dhe publikim në platformë, por përdorimi i tij nuk është kusht për të pasur reach të mirë.
Me pak fjalë: Editoni ku të doni. Publikoni pa watermark të aplikacioneve të tjera.
