Instagram ka ndryshuar për herë të parë pas një dekade wordmark-un, pra mënyrën se si shfaqet emri “Instagram” në identitetin vizual të platformës.
Shkrimi i njohur me stilin e tij të lakuar është zëvendësuar me një dizajn më të pastër dhe modern. Versioni i ri ruan disa elemente të personalitetit origjinal të markës, por përdor forma më të thjeshta të shkronjave dhe një gjeometri më të theksuar.
Për momentin, ndryshimi është i fokusuar kryesisht te emri Instagram që shfaqet në pjesën e sipërme të aplikacionit në telefon, dhe nuk përfaqëson një ndryshim të plotë të identitetit vizual të platformës.
Lexo edhe: A ia vlen të blesh ndjekës (followers) në Instagram dhe TikTok?
Pas 10 vitesh, Instagram po i jep një rifreskim të qetë, por të dukshëm, një prej elementeve më të njohura të markës së tij. Ndryshimi mund të duket i vogël, por tregon se platforma po vazhdon të modernizojë identitetin e saj vizual për t’iu përshtatur një epoke të re digjitale.
