Bëhuni gati për Panele Diellore 100% të riciklueshme

Solarge, një prodhues i paneleve diellore i bazuar në Holandë, ka zhvilluar panelin e parë diellor 100% të riciklueshëm. Kompania thotë se panelet diellore aktuale kanë ende disavantazhe të ndryshme, kështu që nevojitet një ndryshim i mënyrës së të menduarit për të maksimizuar potencialin e energjisë diellore. Prandaj Solarge ka zhvilluar panele diellore që kanë disa veti unike, duke përfshirë të qenit më shumë se 50% më të lehta në peshë se panelet standarde fotovoltaike (PV), të pasurit gjurmë karboni ultra të ulët, të qenit plotësisht të riciklueshëm, dhe të mos përmbajnë materiale toksike si PFAS.

Solarge punoi me EconCore, një lider botëror në teknologjinë e prodhimit të materialeve të quajtura “hojet e mjaltit”, të emërtuara kështu për shkak të ngjashmërisë me hojet. Ky bashkëpunim ka si qëllim reduktimin e peshës së paneleve të diellore, kryesisht duke zëvendësuar xhamin që përdoret tradicionalisht për të mbrojtur qelizat diellore, me materiale më të lehta. Këto materiale kanë një strukturë të përbërë, duke u lidhur me një fletë të sipërme polimer për të zëvendësuar xhamin e përdorur në panelet diellore konvencionale. Struktura më e lehtë gjithashtu shpërndan impaktet potenciale në të gjithë strukturën e saj, duke e bërë atë më të fortë dhe më të ngurtë se xhami.

Materiali i këtyre paneleve përbëhet nga plastika e ricikluar, e cila gjithashtu mund të riciklohet kur nevojitet. Nga ana tjetër, shtresa e sipërme e xhamit të paneleve konvencionale ka nevojë për një kornizë alumini, e cila duhet të riciklohet së bashku me xhamin. Panelet diellore Solarge gjithashtu kanë avantazhe të tjera, të tilla si të qenit më rezistent ndaj rrezatimit UV, të kenë përçueshmëri më të mirë të nxehtësisë dhe kontrollimin e temperaturave në mënyrë më efektive sesa panelet e xhamit. Panelet diellore të riciklueshme Solarge do të prezantohen në panairin botëror JEC në Paris më 25 prill.

Industria e riciklimit të paneleve diellore mbetet në fillimet e saj dhe ende po analizon mënyra se si të gjenerojë të ardhura nga rikuperimi dhe shitja e komponentëve të paneleve. Në vitin 2016, Agjencia Ndërkombëtare e Energjisë së Rinovueshme parashikoi që vëllimi i mbetjeve të paneleve diellore do të rritet në të paktën 5 milionë tonë në vit deri në vitin 2050. Kina, prodhuesi më i madh në botë i energjisë diellore, pritet të nxjerrë nga tregu një total kumulativ prej të paktën 13.5 milionë tonë panelesh deri në vitin 2050.