Dy vajza kanë lindur pasi një robot fekondoi vezët e njeriut, në atë që mund të jetë një hap i rëndësishëm drejt automatizimit të fertilizimin in vitro (IVF).
Overture Life, një kompani e re, ka zhvilluar një robot injektues të spermës për fertilizimin in vitro (IVF). Sipas ekspertëve, kjo pajisje mund të jetë një hap fillestar drejt automatizimit të të gjithë procesit, duke e bërë atë më pak të kushtueshëm dhe më të zakonshëm.
Inxhinierët në Overture Life në Barcelonë përdorën një robot injektues të spermës në klinikën New Hope Fertility Center në New York City. Ato arriten të kryejnë eksperimentin duke përdorur një levë të Sony PlayStation 5. Nëpërmjet kësaj leve, inxhinierët arritën të depërtonin në vezë duke përdorur një gjilpërë robotike, e cila lëshoi një qelizë të vetme sperme.
Automatizimi i pjesëve të procesit, si injektimi i spermës, ngrirja e vezëve ose rritja e embrioneve, mund ta bëjë IVF-në më pak të kushtueshme, dhe të japë bazat për të mbështetur inovacione më radikale, si modifikimi i gjeneve apo edhe mitra artificiale.
Kompania ka arritur të sigurojë rreth 37 milionë dollarë nga investitorët, duke përfshirë Khosla Ventures dhe Susan Wojcicki, ish-CEO i YouTube. Kompani të tjera të reja me synime të ngjashme përfshijnë AutoIVF, IVF 2.0, Conceivable Life Sciences dhe Fertilis, të cilët bazohen në laboratorët universitarë të specializuar.
Disa mjekë janë skeptikë në lidhje me robotët që përdoren në IVF, dhe besojnë se njerëzit janë shumë më të mirë se një makineri në këtë proces. Megjithatë, të tjerë besojnë se industria është gati për më shumë automatizim.
