Sony ka njoftuar se ka shitur 6.3 milionë pajisje PlayStation 5 në tremujorin e dytë të suksesshëm radhazi, duke kaluar parashikimin e tyre prej 18 milionë pajisjesh të shitura për vitin fiskal 2022, me shitjen 19.1 milionë pajisjeve. Numri i përgjithshëm i PS5-ve të shitura që nga publikimi i pajisjes në fund të vitit 2020, e deri më tani është 38.4 milionë. Pavarësisht nga kjo performancë pozitive në anën e hardware, lajmet nuk ishin aq të mira për shitjet e software, me një rënie në shitjet e lojërave në 68 milionë, nga 70.5 milionë një vit më parë. Përdoruesit e PlayStation Network gjithashtu ranë në 108 milionë nga 112 milionë, megjithëse abonimet e PS Plus patën një rritje të vogël.
Pavarësisht këtyre rezultateve të përziera, Departamenti i Shërbimeve të Lojërave dhe Rrjetit të Sony pati një rritje të të ardhurave në 7.9 miliardë dollarë, krahasuar me 4.9 miliardë dollarë vitin e kaluar, duke rezultuar në një rritje të shitjeve të përgjithshme për kompaninë në 29 miliardë dollarë, nga 19.9 miliardë dollarë një vit më parë. Ndërsa fitimi operativ ishte në rënie për shkak të një goditjeje në kursin e këmbimit valutor, drejtuesit e Sony janë të bindur se rritja do të vazhdojë edhe vitin e ardhshëm, duke parashikuar një rritje prej 7 përqind të të ardhurave për vitin fiskal 2023.
Sony po parashikon gjithashtu rritje të shitjeve të hardware-ve, përfshirë pajisjet periferike, megjithëse nuk kishte asnjë përditësim mbi rezultatet financiare të PlayStation VR2 deri më tani.
Lajmi vjen pasi rivali më i madh i Sony, Microsoft, ka parë sesi bashkimi i propozuar me Activision është bllokuar nga Mbretëria e Bashkuar për shqetësimeve në lidhje me lojërat cloud. Pavarësisht kësaj, Microsoft është shprehur se do të apelojë vendimin.
