Inxhinierët e Apple, të cilët po punojnë në kufjet Reality Pro që do të ofrohen nga Apple në të ardhmen, kanë shprehur pakënaqësitë e tyre me Siri-n, asistentin virtual të kompanisë. Sipas një raporti nga The Information, inxhinierët po mendojnë të krijojnë një alternativë të re ndaj Siri-t, për produktet e reja të kompanisë.
Një grup i konsiderueshëm ish-punonjësish të Apple pohuan se Siri ishte “zhgenjyes” brenda kompanisë për shkak të mungesës së disa funksionaliteteve që priten nga një asistent virtual modern. Inxhinierët u përballën me sfida për shkak të politikave të rrepta të Apple për privatësinë, gjë që i pengoi ata të ndërtonin mjete analitike për Siri-n, duke i detyruar të punonin pa burimet e konkurentëve për asistentin virtial.
Drejtuesit e Apple, duke përfshirë CEO Tim Cook, donin që Siri të përgjigjej me një sërë përgjigjesh të shkruara paraprakisht për të parandaluar përgjigjet e paplanifikuara, të cilat mund të sjellin një dëmtim të imazhit për kompaninë. Kjo e pengoi software-n të konkurronte në kushte të barabarta me Google Assistant dhe Alexa, duke çuar në pakënaqësi të gjerë brenda kompanisë.
Raporti përshkruan se si inxhinierët e Apple në vitin 2019 filluan një projekt të quajtur “Blackbird” për të zëvendësuar Siri-n, por përfundimisht u braktis në favor të një projekti tjetër të quajtur “Siri X”, i cili synonte të zhvendoste të gjitha funksionet e Siri për t’u përpunuar në pajisje, dhe jo në memoriet virtuale. Megjithatë, Siri X nuk kishte asnjë nga funksionalitetet e avancuara të Blackbird, i cili thuhej se ishte më funksional dhe më i saktë se Siri.
Ndërsa Siri mund të jetë popullor për miliona përdorues të iPhone, raporti zbulon se jo të gjithë në Apple janë të kënaqur me asistentin virtual. Problemet me Siri, sipas ish-punonjësve të Apple, erdhën nga politikat e Apple mbi privatësinë dhe përsosmërinë, gjë që çoi në luftëra virtuale dhe debate të nxehta midis drejtuesve të ndryshëm mbi drejtimin e asistentit virtual të Apple.
Politikat e rrepta të Apple për privatësinë i kanë penguar inxhinierët të ndërtojnë mjete analitike për Siri, gjë që bëri që disa punonjës ta hedhin poshtë procesin si “një humbje kohe dhe parash”. Në vend që të përdornin AI për të marrë përgjigje të përditësuara nga zhvillimet e ndryshme në web, drejtuesit e Apple dëshironin që Siri të përgjigjej me përgjigje të shkruara paraprakisht për të parandaluar përgjigjet e hapura.
