GPU-të e shumëpritura 3nm të Nvidia, të cilat pritet të krijohen përmes procedurës së çipit TSMC 3nm, nuk do të dalin në treg deri në vitin 2025, sipas burimeve të brendshme. Si arsyet kryesore për këtë vonesë përmenden problematikat ekonomike, dhe ulja e kërkesës për PC. Kjo problematikë nuk është vetëm për Nvidia, pasi AMD dhe kompani të tjera po vonojnë gjithashtu publikimin e prodhimeve të GPU-ve të tyre 3nm.
Apple, nga ana tjetër, duket se po ecën përpara me planet për prodhimin e çipave të tyre 3nm për iPhone 15, dhe për iMacs. Shtyrja e Nvidia nënkupton që nuk do të ketë shtesa të reja në linjën GPU GeForce për dy vitet e ardhshme.
Thuhet se GPU-të e ardhshme Blackwell të Nvidia do të kenë një dizajn të veçantë të çipit, duke premtuar dyfishin e shpejtësisë së serisë RTX 40. Megjithatë, për shkak të inventarit të tepërt të shkaktuar nga rënia e kërkesës për karta grafike, vetëm përditësime të vogla si RTX 4090 Ti dhe 4080 Ti pritet të dalin në treg në të ardhmen e afërt.
