AMD ka prezantuar linjën e saj më të fundit të procesorëve, Ryzen 7040U, të krijuar për laptopë të hollë, që kërkojnë performancë të lartë.
Gama e re përfshin katër modele, me Ryzen 7 7840U, i cili është produkti më i fuqishëm. Ky model përmban tetë bërthama, 16 threads, një shpejtësi bazë 3.3 GHz (deri në 5.1 GHz), dhe 24 MB cache. AMD pretendon se Ryzen 7 7840U funksionon përafërsisht 30% deri në 139% më shpejt se një çip ekuivalent i gjeneratës së 13-të të serisë Core i7 P të Intel në 1080p.
AMD gjithashtu thekson se procesorët e saj të rinj ofrojnë fuqi më të mirë kompjuterike sesa rivalët, me arkitekturën Zen 4 që thuhet se ofron midis 29% dhe 128% performancë më të mirë sesa Core i7, dhe midis 5% dhe 75% më të mirë se M2 që gjendet në Apple MacBook Pro. AMD është mbështetur në standardet sintetike për të bërë analizën mbi këto të dhëna.
Megjithatë, nëse është e vërtetë, ky ka të ngjarë të jetë një procesor shumë i vlefshëm për ata që planifikojnë të përdorin laptop-ët e tyre për qëllime grafike, ose për përdorimin aplikacione të shumta në të njejtën kohë. AMD ka sjellë gjithashtu përshpejtimin e Ryzen AI në procesorët e rinj, dhe premton efikasitet të përmirësuar për të siguruar “kohën më të gjatë të mundshme” në jetëgjatësinë e baterisë, megjithëse nuk jep vlerësime.
Linja fillestare përfshin Ryzen 3 7440U, opsionin e nivelit fillestar me katër bërthama, tetë threads, një shpejtësi bazë 3 GHz (deri në 4.7 GHz), dhe 12 MB cache. Gjithashtu, në këtë linjë përfshihen Ryzen 5 7540U, procesori i rangut të mesëm i cili përmban gjashtë bërthama, 12 threads, një shpejtësi bazë 3.2 GHz (deri në 4.9 GHz), dhe 22 MB cache. Ryzen 5 7640U është një opsion tjetër, i cili është pak më i shpejtë me mbështetjen e Ryzen AI, me një shpejtësi bazë 3.5 GHz (deri në 4.9 GHz).
Ndërsa është shumë herët për të përcaktuar nëse performanca e reklamuar do të arrihen në realitet, prodhuesit e laptopëve pritet të fillojnë të përdorin Ryzen 7040U relativisht shpejt. AMD është e bindur se ka një avantazh të rëndësishëm ndaj rivalëve të saj.




