Metaverse, dikur e shpallur si e ardhmja e internetit, po përjeton një moment të vështirë, pasi është braktisur nga bota e biznesit. Koncepti, i lindur në vitin 2021, kur Facebook u riemërua në Meta, nuk arriti të përmbushte premtimet e mëdha, pasi i mungonte një vizion i qartë, duke çuar përfundimisht në rënien e tij. Ndërsa industria e teknologjisë e zhvendosi fokusin e saj te AI, fati i Metaverse filloi të vulosej.
Mark Zuckerberg, themeluesi i Facebook (tani Meta), pretendoi se Metaverse do të revolucionalizonte mënyrën se si ne ndërveprojmë në internet. Megjithatë, teknologjia nuk arriti të përmbushë pritshmëritë e larta të vendosura nga promovimi fillestar i Zuckerberg.
Metaverse vuajti nga një krizë identiteti, pa raste të qarta përdorimi, audiencë të synuar, dhe ofertë të qëndrueshme biznesi. Ndërsa koncepti i botës virtuale dhe avatarëve digjitalë ekziston prej dekadash, platforma VR e Metës, Horizon Worlds, nuk arriti të sigurojë një vizion bindës. Pavarësisht kësaj, bota e medias dhe e biznesit iu bashkua linjës pozitive ndaj Metaverse, me kompani si Microsoft, Roblox, dhe madje edhe Walmart që iu bashkuan nismave drejt Metaverse.
Investitorët dhe analistët e Wall Street parashikuan rritje astronomike për Metaverse, me një pritshmëri që tregu i Metaverse do të kishte një vlerë prej 13 trilionë dollarësh brenda 5 vitesh. Megjithatë, kur iu ofrua mundësia për ta përjetuar atë, adoptimi i përdoruesëve nuk ishte në linjë me pritshmëritë e tyre. Decentraland, një nga projektet më të mirëfinancuara Metaverse, kishte vetëm një pjesë të bazës së përdoruesve, në krahasim me lojërat e njohura në internet si për shembull “Fortnite”. Horizon Worlds i Meta-s nuk arriti objektivat e përdoruesve, me norma të ulëta të vizitave dhe performancë të dobët.
Ndërsa ekonomia u ngadalësua dhe AI filloi të fitonte popullaritet, Metaverse pësoi një rënie brutale. Microsoft, Disney dhe Walmart mbyllën departamentet e tyre të lidhura me Metaverse, duke lënë shumë njerëz të papunë. Fokusi i Meta-s u zhvendos tek AI, dhe Zuckerberg deklaroi si prioritetin kryesor investimin e kompanisë në avancimin e AI. Analistët arritën në përfundimin se Meta ishte zhvendosur nga Metaverse. “Vdekja” e Metaverse duket si një dështim historik në industrinë e teknologjisë.
Si përfundim, ngritja dhe rënia e Metaverse japin një leksion të vlefshëm për industrinë e teknologjisë. Ndërsa ideja e botëve virtuale mund të vazhdojë në një mënyra të tjera, Capital-M Metaverse po përjeton rënien e saj. E ardhmja e teknologjisë, mesa duket, po përqendrohet në fusha të tjera, si Inteligjenca Artificiale, dhe Metaverse duket sikur është zhvendosur në prapaskenë. Mbetët për t’u parë nëse kompanitë e mëdha digjitale do të rikthejnë investimet e tyre në industrinë e Metaverse, por deri më tani, e ardhmja për këtë industri duket e zymtë.
