Apple po ndalon përdorimin e mjeteve të inteligjencës artificiale të palëve të treta, si ChatGPT, nga disa punonjës, teksa po zhvillon teknologji të ngjashme brenda kompanisë, sipas një raporti të The Wall Street Journal. Apple përmendi shqetësimet se përdorimi i këtyre programeve mund të publikojë pa dashje të dhëna konfidenciale. Platforma GitHub Copilot, në pronësi të Microsoft, një mjet AI që ndihmon në shkrimin e kodeve për programe të ndryshme, është gjithashtu në listën e platformave të ndaluara.
ChatGPT, një produkt i OpenAI i mbështetur nga Microsoft, është një chatbot që mund t’u përgjigjet pyetjeve, të hartojë ese, dhe të kryejë detyra të ndryshme me njerëzit. Këto modele, kur përdoren, i dërgojnë të dhënat zhvilluesëve të OpenAI për përmirësime të vazhdueshme, duke paraqitur rrezikun e ndarjes së paqëllimshme të informacioneve konfidenciale. OpenAI pranoi një incident të ndodhur gjatë javëve të fundit, ku ChatGPT kaloi për disa momente offline, për shkak të publikimit të paqëllimshëm të disa të dhënave të përdoruesëve.
Në një përpjekje për të eleminuar situata të tilla, OpenAI publikoi një përditësim muajin e kaluar, që lejon përdoruesit të ç’aktivizojnë historikun e tyre të bisedave, duke parandaluar kështu përdorimin e të dhënave të përdoruesëve për trajnimin e AI.
Apple është i njohur për protokollet e rrepta të sigurisë brenda kompanisë, për të mbrojtur informacionin për produktet e ardhshme dhe të dhënat e konsumatorëve. Në mënyrë të ngjashme, shumë organizata kanë qenë të kujdesshme për përdorimin e një teknologjie të tillë. Për shembull, JPMorgan Chase dhe Verizon e kanë ndaluar përdorimin e AI, ndërsa Amazon ka inkurajuar inxhinierët e saj që të përdorin mjetin e saj të brendshëm të AI.
Përpjekjet e AI të Apple drejtohen nga John Giannandrea, i cili iu bashkua kompanisë nga Google në 2018. Nën udhëheqjen e tij, Apple ka blerë disa kompani të reja të AI. Gjatë publikimit të fundit të të ardhurave tremujore të Apple, CEO Tim Cook pranoi nevojën për të qenë të kujdesshëm në adoptimin dhe avancimin e inteligjencës artificiale, pasi akoma ka shqetësime mbi të drejtat e përdoruesëve, dhe sigurinë e të dhënave.
Një shembull i kësaj situata u pa kur Apple bllokoi përkohësisht një përditësim nga aplikacioni i emailit, BlueMail i Blix, i cili përfshinte një veçori ChatGPT, duke përmendur shqetësimet për ekspozimin e mundshëm të përmbajtjes së papërshtatshme për fëmijët. Aplikacioni u miratua vetëm pasi Blix konfirmoi zbatimin e filtrimit të përmbajtjes në veçorinë ChatGPT.
Kjo lëvizje përkon me njoftimin e OpenAI për një aplikacion ChatGPT për iPhone dhe iPad, duke theksuar zhvillimet e vazhdueshme në përmirësimin e AI dhe teknologjisë së konsumatorit.
Artikuj të ngjashëm:
- Dita e tretë e protestës studentore: Rama shmang përgjegjësinë politike dhe fajëson opozitën, tensionet përhapen në disa qytete
- Bizneset në Tiranë ulin qepenat nga frika e protestave: “Jemi me ju, mos na dëmtoni!”
- Kush është Klevi Metaj? I riu që u përball i vetëm me 6 efektivë policie gjatë protestës së studentëve
- Video të rënda nga protesta e studentëve në Tiranë, shpërthen debati në rrjet për përdorimin e forcës nga policia
- Sulm kibernetik në Francë: Hakerat rrisin temperaturat e frigoriferëve në 50°C, shkatërrohen ushqime me vlerë miliona euro
1 Comment
Pingback: Apple pritet të sjellë 'Apple GPT', chatbot-in AI të kompanisë - Technews.al