Google po përdor inteligjencën artificiale (AI) për të përmirësuar mënyrën e bërjes së reklamave online. Gjigandi i teknologjisë planifikon të prezantojë mjete inovative AI, të krijuara për të ndihmuar tregtarët në krijimin e reklamave tërheqëse dhe të personalizuara, duke iu përgjigjur kërkesës në rritje për AI në reklamime.
Mjetet AI do t’i fuqizojnë reklamuesit të krijojnë reklama duke përdorur AI gjeneruese, një teknologji e aftë në gjenerimin e tekstit dhe imazheve nga kërkesat e përdoruesëve. Këto reklama do të shfaqen në mënyrë të dukshme në motorin e kërkimit të Google. Për më tepër, reklamuesit mund të përdorin algoritmet e avancuara të Google për të nxjerrë përmbajtje nga faqet e tyre, dhe për t’i kthyer ato në materiale unike reklamimi. Në një përpjekje për të përmirësuar efektivitetin e reklamave, këto mjete do të automatizojnë krijimin e sloganeve tërheqëse, dhe përshkrimeve të produkteve që përputhen ngushtë me kërkesat e klientit.
Një veçori interesante është aftësia e AI për të krijuar tekste dhe imazhe, e cila do të ndihmojë tregtarët gjatë procesit të krijimit të reklamave. Për më tepër, Studio Product, një veçori e publikuar së fundmi nga Google ofron krijimin e imazheve të produkteve, duke u ndihmuar nga AI. Kjo do të thotë që reklamuesit në Google mund të marrin imazhe produktesh me cilësi të lartë, duke eliminuar nevojën për sete fotografike, të cilat shpesh mund të jenë të shtrenjta. Inteligjenca artificiale mund të përmirësojë gjithashtu imazhet me rezolucion të ulët, të eleminojë sfondet e panevojshme, dhe madje të shtojë elementë të rinj në imazhet e produkteve, si për shembull një mjedis tropikal.
Jerry Dischler, nënkryetar i Google për Reklamimet, e sheh AI si një shtesë shumë të rëndësishme. “Evolucioni i shpejtë i AI nënkupton ardhjen e një epoke tepër emocionuese,” komentoi ai gjatë një interviste.
Megjithatë, me këtë revolucion që po ndodh me AI nga gjigantët e teknologjisë, si Google dhe Microsoft, disa ekspertë kanë shqetësime. Integrimi i përhapur i AI mund të nxisë krizën e vazhdueshme të dezinformimit në internet. Duke iu përgjigjur këtyre shqetësimeve, Google konfirmoi se politikat e tij i ndalojnë reklamuesit të keqinterpretojnë produktet dhe shërbimet e tyre. Kompania siguron përdoruesit se mjetet e saj të reja AI do të vijnë të pajisura me masa mbrojtëse për të luftuar keqpërdorimin.
Google pohon se reklamat gjeneruese të krijuara nga AI do t’i përmbahen kontrolleve ekzistuese të kompanisë dhe, pavarësisht nga teknologjia e avancuar e përfshirë, këto reklama nuk do t’i nënshtrohen ndonjë shqyrtimi shtesë. Ky njoftim sinjalizon angazhimin e Google për demokratizimin e AI, ndërkohë që balancon detyrën e tij për të ruajtur integritetin dhe besimin në internet.
Artikuj të ngjashëm:
- Toyota Yaris Cross i qëndron besnik emrit të tij me një pamje të re energjike (FOTO)
- Amazona ka një logo të re të frymëzuar nga koordinatat e saj gjeografike (VIDEO)
- Google i shndërron kërkesat e inteligjencës artificiale në mjete automatizimi të Chrome
- “Shqipëria, terren i favorshëm për aktivitetet e Call Centerave”, eksperti i IT: Analizojnë profilet e individëve duke përdorur Inteligjencën Artificiale
- Ja sa kushton iPhone 17 Pro Max në vende të ndryshme të botës
