CEO i Genies fillon një revolucion produktiviteti, u paguan punonjësve abonimin në ChatGPT!

Akash Nigam, CEO i Genies, një kompani e mjeteve avatar më vlerë miliarda dollarë, ka gjetur një mënyrë inovative për të rritur produktivitetin në kompaninë e tij – investimin në AI. Nigam po shpenzon 2,400 dollarë në muaj për ti siguruar të gjithë punonjësëve të tij llogarinë ChatGPT Plus, një vendim që synon automatizimin e detyrave rutinë, duke përmirësuar kështu efektivitetin e punonjësve.

Ky vit shënoi fillimin e një nisme në mbarë kompaninë për të integruar përdorimin e ChatGPT, një chatbot AI, nëpër sektorë të ndryshëm brenda Genies, duke përfshirë R&D, inxhinierinë, menaxhimin e produktit, financat, dizajnin dhe kontabilitetin. Pavarësisht angazhimit financiar, Nigam është i bindur se integrimi i ChatGPT në flukset e punës do të sjellë përfitime, duke përmirësuar rezultatet përfundimtare të kompanisë. “Si një person që nuk harxhon shumë të ardhura, ky vendim mund të duket i çuditshëm, por besoj se është një hap drejt rritjes dhe përmirësimit të kompanisë”, tha Nigam.

Në vetëm një muaj që nga prezantimi, Nigam raportoi përshpejtim të konsiderueshëm në përfundimin e detyrave rutinë. Ekipi i R&D i Genies ka shfrytëzuar ChatGPT për zgjidhjen e pyetjeve matematikore dhe ato që lidhen me kodimin, duke marrë këshilla për korrigjimin e gabimeve. Ekipe të tjera e kanë përdorur atë për të hartuar përmbledhje kreative, dokumente të politikave të brendshme, dhe për t’iu përgjigjur pyetjeve teknike.

Ndoshta kontributi më domethënës i ChatGPT ka qenë në thjeshtimin e zhvillimit të një udhërrëfyesi teknik, i cili tradicionalisht kërkon një punë intensive. Nigam vendosi të gjithë informacionin përkatës në ChatGPT, i cili më pas e strukturoi atë në mënyrë efikase në një tabelë të qartë, ku përfshiheshin të gjitha detyrat.

“Me ChatGPT, është si të kesh një partner të sofistikuar operativ që i drejton shpejt mendimet e tua, dhe të orienton në rrugën e duhur,” shtoi Nigam. Ai gjithashtu beson se integrimi i ChatGPT mund të kontribuojë në uljen e kostove, pasi mund të kërkohen më pak punonjës për shkak të rritjes së produktivitetit.

Megjithatë, jo të gjithë punonjësit po e përdorin siç duhet ChatGPT, me një pjesë të vogël të punonjësve që e integrojnë atë në mënyrë pasive në rrjedhat e tyre të punës. Për të nxitur përdorimin më të mirë, Genies ka zhvilluar seminare joformale, ku përdoruesit e aftë këshillojnë kolegët e tyre më pak me përvojë.

Nigam theksoi rëndësinë e zotërimit të platformës, duke parashikuar përdorimin e ChatGPT si një aftësi kritike në të ardhmen. Ai madje planifikon të përfshijë përdorimin e ChatGPT në vlerësimet e performancës së punonjësve vitin e ardhshëm, duke vendosur si pjesë të vlerësimit efektivitetin e përdorimit të mjeteve AI nga punonjësit, për të përshpejtuar punën në departamentet e tyre përkatëse.

Ata që përdorin në mënyrë efektive AI mund të jenë të destinuar për promovim dhe rritje në detyrë, ndërsa ata që nuk e përdorin mund të mbeten prapa. “Duhet vërtet të gjesh kohë për të mësuar këtë aftësi, sepse do të jetë shumë e rëndësishme të ecësh përpara”, tha ai.

Por Genies nuk është vetëm në këtë adoptim të AI. Gjigandët si Amazon dhe Microsoft tashmë po integrojnë ChatGPT në rrjedhat e tyre të punës. David Litwin, CEO i firmës së dizajnit Pure Fusion Media, raportoi se ChatGPT i kurseu atij mbi 30 orë punë në një javë, duke treguar potencialin e kësaj teknologjie të AI në revolucionalizimin e profesioneve moderne.