Kompanitë teknologjike bëhen bashkë për të shpëtuar planetin: Shndërrimi i varrezave të mbetjeve elektronike në miniera ari!

Në një epokë të shënuar nga problematikat mjedisore, fakti që miliona pajisje memorie copëtohen çdo vit është një zbulim tronditës. Jonmichael Hands, punonjës pranë Circular Drive Initiative (CDI) dhe Chia Nework, nxjerr në pah rëndësinë e këtij problemi, dhe tregon rrugën drejt shndërrimit të mbeturinave të pajisjeve teknologjike në thesare.

CDI, një bashkëpunim midis gjigandëve të teknologjisë, po udhëheq nismën për ripërdorimin e sigurtë të pajisjeve të memories. Është e habitshme që në një botë kaq të shtyrë drejt riciklimit, pajisjet e memories po përballen me një fund brutal.

Ndërsa qendrat e mëdha të të dhënave i eleminojnë pajisjet e tyre të memories pas datave të garancisë, shumica e pajisjeve, edhe ato me shumë pak të dhëna, nuk kanë të njëjtin fat. Kompanitë e shërbimeve cloud, në ndjekjen e një politike për të mbrojtur sigurinë e të dhënave, përfundojnë duke asgjësuar rreth 90% të disqeve të ngurtë të memorieve.

Megjithatë, në kundërshtim me perceptimin e përgjithshëm, copëtimi nuk është i pagabueshëm. Disqet moderne janë të mbushura me të dhëna, dhe punonjësit e aftë për rikuperimin e të dhënave mund të nxjerrin informacion nga pjesë të vogla, deri në 3 mm.

Opsioni “Clear”, i cili është më i thjeshti dhe më pak i sigurti, fshin të dhënat, por këto të dhëna mund të rigjenerohen përmes mjeteve speciale. Por, mënyra e cila përdoret më shpesh është shkrirja, ose djegia e pajisjes. Nëpërmjet kësaj mënyrë, pajisja dhe i gjithë informacioni i gjendur në pajisje shkatërrohen plotësisht. Megjithatë, e mesmja e artë për mbrojtjen e mjedisit dhe sigurinë e të dhënave është “Purging”, një zgjidhje e Goldilocks për ripërdorim të sigurt.

Pastrimi mund të arrihet përmes mbishkrimit të pajisjeve të memories me modele të reja të dhënash, duke i bërë të dhënat origjinale të pakthyeshme. Sidoqoftë, kjo metodë kërkon kohë. Një alternativë më e shpejtë është një fshirje kriptografike. Disqet e koduar janë si një ditar sekret që hapet vetëm me një çelës. Në momentin që një përdorues nuk ka çelësin për të përdorur këto pajisje, atëherë pajisja nuk shërben për gjë.

Seagate, kompania e cila merret me menaxhimin e këtyre pajisjeve, dhe një anëtare themeluese e CDI, ka bërë përparime në këtë drejtim. Amy Zuckerman, Drejtoresha e Qëndrueshmërisë së Seagate, thekson rëndësinë e një besimi universal në metodat e sigurta të fshirjes së të dhënave. Nëpërmjet rinovimit dhe rishitjes, Seagate arriti të shmangë mbi 540 tonë mbeturina elektronike në vitin 2022, duke kursyer 1.16 milionë disqe memorie.

Ndërkohë, një program pilot në Tajvan demonstroi potencialin e jashtëzakonshëm të kësaj mënyre, duke rikuperuar tre tonë mbetje elektronike. Këto disqe të rinovuara nuk janë thjesht relike; ato testohen, certifikohen, dhe vijnë me garanci, duke i bërë ato tërheqëse për qendrat më të vogla të të dhënave, dhe madje edhe krijuesit e kriptomonedhave.

Sidoqoftë, mbrojtja e të dhënave nuk ndalet vetëm në “dezinfektimin” e tyre. Tony Anscombe, nga firma e sigurisë IT ESET, këshillon kompanitë që të kenë një proces vigjilent të çaktivizimit. Sipas Anscombe, është e domosdoshme që organizatat të dezinfektojnë pajisjet e tyre, dhe të sigurojnë që nuk kanë të dhëna që mund të shfrytëzohen nga palët e treta. Ata duhet ta testojnë këtë proces ndërsa pajisjet janë ende brenda garancisë, të mbajnë të dhëna rezervë, dhe ta bëjnë më të lehtë për individët të raportojnë rrjedhjet e sigurisë.