Në një epokë ku AI mund të përmirësojë esetë apo poezitë, studiuesit në TU Delft dhe EPFL vendosën të shkojnë një hap më tej. Pyetja e tyre e guximshme ishte: a mundet ChatGPT, chatbot-i AI, të dizajnojë gjithashtu robotë? Gjetjet, të publikuara në Nature Machine Intelligence, zbulojnë një partneritet emocionues midis zgjuarsisë njerëzore dhe AI.
Profesori Cosimo Della Santina, së bashku me doktorantët Francesco Stella nga TU Delft, dhe Josie Hughes nga EPFL, u nisën me një agjendë ambicioze. Ata synonin që ChatGPT të projektonte një robot që trajton një nga sfidat urgjente të njerëzimit. Pas disa provave fillestare me ChatGPT, lindi ideja e një roboti që mbledh domate.
ChatGPT ndihmoi studiuesit, duke u ofruar këshilla që varionin nga zgjedhja e domateve si një produkt me vlerë ekonomike, deri te automatizimi, apo te sugjerimet mbi materialet që mund të përdoren për të krijuar këtë robot. Rezultati ishte i jashtëzakonshëm, një krah robotik që korr domate.
“ChatGPT zgjeron njohuritë e projektuesëve në fusha të ndryshme ekspertize”, thotë Stella, duke theksuar se si ChatGPT ishte një thesar idesh në fazën konceptuale. Por, krahu i robotit nuk ishte i krijuar nga AI. Kjo u krijua nëpërmjet një bashkëpunimi midis studiuesëve dhe Modeleve AI, të tilla si ChatGPT.
Lexo më shumë:
CEO i Genies fillon një revolucion produktiviteti, u paguan punonjësve abonimin në ChatGPT!
Studiuesit vunë re se ndërsa ChatGPT ishte një aleat shumë i rëndësishëm në procesin e projektimit, ai i shtyu studiuesit në role më teknike. Ata vunë në pikëpyetje spektrin e bashkëpunimit, ku AI potencialisht mund të krijonte të gjithë strategjinë, dhe njerëzit thjesht ekzekutonin.
Por, Della Santina paralajmëron për rreziqet e mbingarkimit të AI. “Prodhimi i krijuar nga AI mund të mos jetë i saktë, nëse nuk verifikohet ose vërtetohet. Chatbot-ët e AI janë krijuar për të gjeneruar përgjigjen ‘më të mundshme’ për një pyetje, kështu që ekziston rreziku i keqinformimit dhe paragjykimeve në fushën robotike”, vuri në dukje ai.
Lexo më shumë:
ChatGPT zëvendëson Chegg: Studentët po drejtohen më shumë drejt platformave AI
Cila është e ardhmja e kësaj shpikjeje? Treshja triumfuese, Della Santina, Stella dhe Hughes, nuk janë thjesht duke festuar fitoren e tyre të parë. Ata po analizojnë më tej mbi aftësitë e projektimit autonom të AI. Pyetja e madhe mbetet mbi mënyrën sesi AI-të mund të forcojnë robotikën, pa dëmtuar kreativitetin dhe inovacionin njerëzor që kërkohen për t’u përballur me sfidat e shekullit të 21-të?
Tani për tani, duket sikur ChatGPT ka shtuar një aftësi të re në portofolin e tij. Nga shkrimi i poezive, deri te robotët që mund të korrin domate. Është një botë e re interesante e partneriteteve të AI-njerëz, një botë ku domatet janë vetëm fillimi.
